影片
更多
2017-12-08
127 瀏覽
Openrice冇用餐經驗就冇得負評，好唔fair。更何況我係想食人哋都唔志在，一肚西北風，甜入心頭等候時間填120,因為佢話收舖前會有,當佢12點收舖囉翠苑未開張我已經喺度住，食佢嘅芝麻糊亦係我哋一家以前嘅習慣。有名氣後人龍漸長，老豆唔願排隊，我哋都好耐冇食...今日補完習應家人要求買湯丸。人龍唔短，排到去酒樓，但見咁耐冇食要排耐啲都冇計較。等咗5-10分鐘，排到我嘅時候店員話：「湯丸要等喎」佢冇提議我轉款，我都唔醒目冇追問要幾耐，應咗句：「ok, 會等」就企埋一邊等。我自問幾有禮貌，天寒地凍，我冇企舖入面等，企喺出面吹風。又再等咗5分鐘，我自知一開始冇問清楚等幾耐，所以都唔係催佢，只係問要等多幾耐，想心裏有數，亦因為店員冇收錢，同我零眼神交流，我怕佢漏單。點知，老闆娘一嚟就話：「湯丸等好耐架喎，你而家排就有排等」原來佢完全發現唔到我嘅存在。佢忙住招呼人我覺得都合理，但負責外賣嗰位店員亦冇呈清我係一早排咗隊落咗order ，更貼切咁講，佢根本冇幫我落單，碗湯丸恐怕都未落水。單多可能排梗隊？所以我問清楚啲：「我一早排咗頭，叫咗湯丸，咁大概仲有幾耐？」老闆娘：「收舖前實有」🙄🙄🙄🙄嘩🙄🙄
更何況我係想食人哋都唔志在，一肚西北風，甜入心頭
等候時間填120,因為佢話收舖前會有,當佢12點收舖囉
翠苑未開張我已經喺度住，食佢嘅芝麻糊亦係我哋一家以前嘅習慣。
有名氣後人龍漸長，老豆唔願排隊，我哋都好耐冇食...
今日補完習應家人要求買湯丸。人龍唔短，排到去酒樓，但見咁耐冇食要排耐啲都冇計較。
等咗5-10分鐘，排到我嘅時候店員話：「湯丸要等喎」
佢冇提議我轉款，我都唔醒目冇追問要幾耐，應咗句：「ok, 會等」就企埋一邊等。
我自問幾有禮貌，天寒地凍，我冇企舖入面等，企喺出面吹風。
又再等咗5分鐘，我自知一開始冇問清楚等幾耐，所以都唔係催佢，只係問要等多幾耐，想心裏有數，亦因為店員冇收錢，同我零眼神交流，我怕佢漏單。
點知，老闆娘一嚟就話：「湯丸等好耐架喎，你而家排就有排等」
原來佢完全發現唔到我嘅存在。佢忙住招呼人我覺得都合理，但負責外賣嗰位店員亦冇呈清我係一早排咗隊落咗order ，更貼切咁講，佢根本冇幫我落單，碗湯丸恐怕都未落水。
單多可能排梗隊？所以我問清楚啲：「我一早排咗頭，叫咗湯丸，咁大概仲有幾耐？」
老闆娘：「收舖前實有」
🙄🙄🙄🙄嘩🙄🙄🙄🙄
我冇再糾纏，我只係知原來我後備座都冇得坐...
回頭走人，排頭位嘅已經唔係當初跟隊尾嘅人...
喺我等嘅過程中有一家三口，不停打探但冇人serve, 都係我話佢知佢哋先識排隊。凍冰冰帶住個細路，終於等到一個位，入去坐住先，但店員完全唔理佢哋，媽媽見夜又冇癮，一家人最後都走咗。
長龍背後，走了多少人？
張貼
