影片
更多
2025-03-26
161 瀏覽
見到最近嘅春漾草莓下午茶好似幾吸引 就同朋友嚟試🤩個2人tea set有5款鹹點、6款甜點，飲品係茶/咖啡首先上飲品 佢有唔同嘅茶俾你揀 我揀咗伯爵茶 一上枱已經聞到好香😻 另外有奶同黑糖/白糖俾你自行添加～ 個人鍾意加黑糖 甜甜地得嚟又帶出到伯爵茶嘅香😍跟住就到今餐嘅主角 草莓盛宴😆 賣相睇落已經幾吸引🤩 有兩盒草莓爆珠係右手邊 職員建議食每一樣野之前先食幾粒爆珠刺激味蕾（我覺得冇咩分別🤣 但草莓爆珠本身都好食）跟住就由鹹點開始食 首先係羊肉酥 我本身係唔食羊肉嘅人 因為好怕會有羶味 但佢地個羊肉酥食落一d羶味都冇仲好香👍 海鮮撻都好出色 勁香魷魚味😋 魚子醬煙三文魚 同 龍蝦碎蛋多士都好食～ 唯一一樣我唔鍾意嘅鹹點就係草莓啫喱配鴨肝醬 食落先發現係鴨肝😭😭 我係唔食內臟嘅人 陣肝味好濃我接受唔到🥲 唯有食多幾粒爆珠減輕佢陣味至於甜點 個set中間有粒紅色梯形咁嘅野 原來係朱古力 外皮好薄好脆 一咬落去入面好似軟心咁 仲有士多啤梨醬係入面 有驚喜🤩 最左邊果兩款 一個係朱古力皮包士多啤梨 另一個草莓馬卡龍 粒馬卡龍連個紋都做到士多啤梨咁 食落好香士多啤梨味又唔會好甜😋 仲有士多啤梨小
個2人tea set有5款鹹點、6款甜點，飲品係茶/咖啡
首先上飲品 佢有唔同嘅茶俾你揀 我揀咗伯爵茶 一上枱已經聞到好香😻 另外有奶同黑糖/白糖俾你自行添加～ 個人鍾意加黑糖 甜甜地得嚟又帶出到伯爵茶嘅香😍
跟住就到今餐嘅主角 草莓盛宴😆 賣相睇落已經幾吸引🤩
有兩盒草莓爆珠係右手邊 職員建議食每一樣野之前先食幾粒爆珠刺激味蕾（我覺得冇咩分別🤣 但草莓爆珠本身都好食）
跟住就由鹹點開始食 首先係羊肉酥 我本身係唔食羊肉嘅人 因為好怕會有羶味 但佢地個羊肉酥食落一d羶味都冇仲好香👍 海鮮撻都好出色 勁香魷魚味😋 魚子醬煙三文魚 同 龍蝦碎蛋多士都好食～ 唯一一樣我唔鍾意嘅鹹點就係草莓啫喱配鴨肝醬 食落先發現係鴨肝😭😭 我係唔食內臟嘅人 陣肝味好濃我接受唔到🥲 唯有食多幾粒爆珠減輕佢陣味
至於甜點 個set中間有粒紅色梯形咁嘅野 原來係朱古力 外皮好薄好脆 一咬落去入面好似軟心咁 仲有士多啤梨醬係入面 有驚喜🤩 最左邊果兩款 一個係朱古力皮包士多啤梨 另一個草莓馬卡龍 粒馬卡龍連個紋都做到士多啤梨咁 食落好香士多啤梨味又唔會好甜😋 仲有士多啤梨小蛋糕 同 士多啤梨棒都唔錯 佢地所用既士多啤梨都好甜～
兩個人食 埋單都係300幾蚊 仲要好味 環境又舒服 仲有海景～性價比高👍
張貼
