翠樂庭餐廳

營業中

休息中

個日我屋企人生日，又唔知食咩好，於是就即興叫埋幾個friend去迪士尼酒店都食自助餐。首先講啲海鮮啦，選擇唔多而且好大路，不過質素就唔錯。長腳蟹好鮮甜，幾重海水味。螺同蝦都好fresh，唔會死突突。其他熟食都ok，但就唔太outstanding。甜品就真係ok多選擇，好多上面仲印晒迪士尼公仔，但就比較好睇唔好食。布甸唔夠滑，蛋糕都係鞋鞋地。老實講，以佢三百幾蚊咁既價錢，絕對比我想像中高質。一黎唔洗爭野食，仲有卡通人物輪流黎同你影相，野食都唔差，生日仲有米奇同你吹蠟燭，好有氣氛！