粵藝館 (時代廣場)

營業中

休息中

放假最好就係懷著輕鬆心情去揾新嘢食🥰🥰，平時返工好難有機會飲茶，今日去左位於時代廣場10樓粵藝館試下。店內以和式設計，燈色柔和有氣派，枱與枱之間鬆動，仲有好多梳化位，最啱就係慢慢嘆茶。✨️✨️午市有商務套餐或者散叫點心，先點左碟辣味蘿蔔糕，厚切的外型包含了手切蘿蔔絲嘅質感，胡椒味重加上少少臘腸非常惹味😋😋😋。峴介鯪魚球，炸過嘅米粉包住彈牙鯪魚球，新鮮炸起外脆內軟，調味啱啱好 主角出場-＞＞＞天下第一豬，做到皮脆肉嫩，中間有🤏🤏少少肥肉，加上無花果醬，甜甜酸酸好開胃。 爆汁鍋貼~粒粒掌心咁大🤚，一咬果然好多肉汁，外皮好脆加上調味剛好嘅鮮肉，恰度好處。啫啫唐山菜~上枱時職員在你面前快炒生菜，且用煲仔上利用餘温令生菜更入味，熱辣辣的蝦醬伴上剛煮嘅唐山菜，不油不膩🥬🥬。干蒸牛肉燒賣，市面上好多酒樓都冇得食了，今次點都要試下，除左係即叫即蒸外，入口牛肉味濃且彈牙，有種食牛丸感覺😚😚最後係萬壽果雪耳桃膠，唔太甜非常清潤😋😋總括而言，這裡飲茶係種享受，環境清靜，店員服務好好，除主動酙茶外，還會主動換上熱茶，又會介紹餸菜特色🤗🤗🤗。