潮樂園 (和富道)

營業中

休息中

今晚臨時臨急喺北角搵地方食晚飯，上網見到呢間潮樂園，打去問問可以幫手安排座位，相當親切。餐廳走平民風，我地坐在一樓，除角落一張枱較寬敞外，其中枱都頗逼，沒有上去二樓，不知道樓上雅座如何。。鹵水鵝片 - 鹵水不會太鹹，鹵得好入味，鵝片肥瘦適中，油香不錯，底層有豆腐和花生，份量適中。椒鹽鮮魷 - 不夠脆身，魷魚有少少靭，慶幸粉漿調味搭救，整體味道不錯。凍烏頭 - 非常好食，啖啖肉，魚鮮味甜，黃豆醬頗鹹，要適量沾點。菜甫芥蘭炒飯 - 食到啖啖菜甫，幾惹味，炒飯都夠乾身。4個人食左六百幾蚊，算是中規中矩，可以一試。