影片
更多
2023-08-04
96 瀏覽
見中環新開左呢間高級法國菜✨標榜採用大自然同可持續食材 環保之餘 食物亦好似好精緻 所以專程嚟個不一樣嘅法式fine dining體驗🥬餐廳嘅tasting menu好特別🙂每一道都好精緻同埋製作認真.Potato Flaxseed Tartlet - Mulberry 外表精緻嘅小撻 撻皮以薯仔+亞麻籽整成 酥脆膩帶點堅果香🌰 餡料以Mulberry(桑椹)同紅菜頭打成蓉 酸甜開胃 之後又會食到一陣花香.Cumin - Egg - Sweet Corn以本地粟米筍打成蛋漿 淋上一層焦糖醬 再以法式脆麵包Mouillette沾上蛋漿 香甜脆口 .Feuille Bread招牌自家製麵包🍞外脆內軟 加入南瓜籽、葵花籽 增添香氣同口感 .Crispy Sweet Potato - Cinnamon - Thyme好有風味嘅法式炸番薯🍠充滿肉桂同百里香嘅香氣 外皮脆口帶鹹香之餘 裡面同樣都是脆的 喺外面冇試過.Shiso Tempura - Lovage condiment - Sea Grape癲覆我對天婦羅嘅認知🫔以紫蘇葉炸成 味道鮮明加入海葡萄、芫荽啫喱 同埋獨活草製成嘅蛋黃醬 隱約滲
餐廳嘅tasting menu好特別🙂每一道都好精緻同埋製作認真
.
Potato Flaxseed Tartlet - Mulberry
外表精緻嘅小撻 撻皮以薯仔+亞麻籽整成 酥脆膩帶點堅果香🌰 餡料以Mulberry(桑椹)同紅菜頭打成蓉 酸甜開胃 之後又會食到一陣花香
.
Cumin - Egg - Sweet Corn
以本地粟米筍打成蛋漿 淋上一層焦糖醬 再以法式脆麵包Mouillette沾上蛋漿 香甜脆口
.
Feuille Bread
招牌自家製麵包🍞外脆內軟 加入南瓜籽、葵花籽 增添香氣同口感
.
Crispy Sweet Potato - Cinnamon - Thyme
好有風味嘅法式炸番薯🍠充滿肉桂同百里香嘅香氣 外皮脆口帶鹹香之餘 裡面同樣都是脆的 喺外面冇試過
.
Shiso Tempura - Lovage condiment - Sea Grape
癲覆我對天婦羅嘅認知🫔以紫蘇葉炸成 味道鮮明加入海葡萄、芫荽啫喱 同埋獨活草製成嘅蛋黃醬 隱約滲透甜味同清新香草味🌿好易入口
.
Local Pigeon - Beetroot sandwich
西洋版乳鴿原來可以咁精緻 採用本地乳鴿 配以紅菜頭三重奏🍅 紅菜頭馬鈴薯丸子+紅菜頭清湯+ 紅菜頭千層酥 乳鴿肉汁同蔬菜香互相配合
.
Turbot Fish - Winter Melon
以本地多寶魚做主角🐟魚肉堅實香口 配以本地蔬菜 包括冬瓜 西洋菜 菠菜 口感清新不少 仲有芸香啫喱 香氣獨特
.
Zucchini flower - Spiny Lobster - Mint
先食意大利青瓜花 裡面釀左茴香+龍蝦肉 清新鮮甜 之後就可以食即席炭燒嘅加州龍蝦🦞充滿炭燒香 配返個特製龍蝦湯汁 味道十分濃郁
.
Dessert
Melon Sorbet - Basil - Saffron
以新鮮蜜瓜+蜜瓜果醬+蜜瓜醋製作嘅雪葩 鮮甜清新 再加入少少Basil平衡一下蜜瓜嘅甜味 十分特別
.
Tomato - Strawberry - Longan Foam
以龍眼泡沫做底 加入風乾車厘茄 金盞花 番茄皮磨成嘅粉末同番茄肉製成嘅啫喱 酸甜並重 仲帶士多啤梨嘅甜味🍓
.
Coconut Ice Cream - Cauliflower
好有創意嘅椰子雪糕🍦香甜清新 底層有白朱古力 食落淡淡椰子香 夾雜雲呢拿同牛奶嘅香甜 面頭有層椰菜花忌廉泡沫 甜品都可以變成fusion菜
.
Chocolate Truffle - Roasted Macadamia
有驚喜嘅松露朱古力🍫入面居然辣辣地 原來係加咗四川辣椒粉 味道意外和諧 加上果仁同燕麥脆脆 口感更豐富
張貼
