巴依餐廳

營業中

休息中

呢間係米芝蓮推介餐廳，主打新彊菜。間餐廳位置比較隔涉，位處兩地鐵站中間。由西營盤地鐵站行過去要約十分鐘。用餐當日係星期五，人好多，我哋有訂檯及預先訂咗烤羊腿，羊腿係最後先上的，所以大家都食到好飽時才賞到，感覺上冇咁好味，但羊肉係好嫩，而且唔So，。羊腿冇乜落調味料醃制，用鋪面的調味粉點嚟食幾好味。大盤雞好好味，尤其啲汁好野味，底部啲寬薯粉吸咗啲汁極正。羊肉串同手抓肉其實同烤羊腿味道差唔多，如果人少，叫其中一款就可以了。菜方面，叫了熗苞菜和老虎菜，老虎菜冇影相，呢個係涼菜，幾fresh，酸酸甜甜，好醒胃。熗苞菜油份較多，唔太辣。呢間特色菜值得一試。