影片
更多
2023-02-07
2453 瀏覽
💁♀️💁♂️🧑🏻👧23/1/2023(Mon), 年初二, Dinner🍽年初二既黃昏時間，帶住兩個小朋友🧑🏻👧去咗中環海濱既摩天輪🎡玩。玩完轉咗三個圈行過大運之後，小朋友🧑🏻👧又叫肚餓，近近地嚟到IFC搵食醫肚😋😋😋，見到呢間拉麵未試過，又有A5和牛拉麵咁吸引，一於試試先。而今晚我地order咗：🔆 A5和牛拉麵🍜（數量限定）（$158）和牛拉麵🍜嘅主角係日本空運直送既A5和牛，配以荷蘭白牛仔骨、鮮牛肉、貝柱熬製 10小時嘅湯底。上枱時和牛薄薄的一片放喺面，油脂充足，趕快趁未被湯浸熟晒前先影相再食，和牛入口即溶，輕輕一嚼即滑入喉嚨，留下滿口牛油既脂香，一片實在唔夠喉。湯底清澈得嚟又夠味，飲落牛骨味突出，另外再加有和牛油脂同紫洋蔥🧅，飲落順喉舒服。麵係偏幼身既麵條，食落爽滑帶麥香。🔆 貝汁鹽味拉麵🍜（$128）貝汁鹽味拉麵🍜嘅湯底以大蜆熬製而成的秘製蜆湯，混合魚介及豚骨湯，配搭白松露油丶牛肝菌醬及煙肉碎，味道帶貝類海鮮既鮮味，比一般湯底多層次感。麵同和牛拉麵都一樣係幼身既麵條，配料有一件慢煮叉燒同一件三層肉叉燒。慢煮叉燒入口嫩滑，而三層肉叉燒就香口啲同肥瘦相間，油脂香啲。🔆 慢煮叉燒小
💁♀️💁♂️🧑🏻👧23/1/2023(Mon), 年初二, Dinner🍽
年初二既黃昏時間，帶住兩個小朋友🧑🏻👧去咗中環海濱既摩天輪🎡玩。玩完轉咗三個圈行過大運之後，小朋友🧑🏻👧又叫肚餓，近近地嚟到IFC搵食醫肚😋😋😋，見到呢間拉麵未試過，又有A5和牛拉麵咁吸引，一於試試先。
而今晚我地order咗：
🔆 A5和牛拉麵🍜（數量限定）（$158）
和牛拉麵🍜嘅主角係日本空運直送既A5和牛，配以荷蘭白牛仔骨、鮮牛肉、貝柱熬製 10小時嘅湯底。上枱時和牛薄薄的一片放喺面，油脂充足，趕快趁未被湯浸熟晒前先影相再食，和牛入口即溶，輕輕一嚼即滑入喉嚨，留下滿口牛油既脂香，一片實在唔夠喉。
湯底清澈得嚟又夠味，飲落牛骨味突出，另外再加有和牛油脂同紫洋蔥🧅，飲落順喉舒服。麵係偏幼身既麵條，食落爽滑帶麥香。
🔆 貝汁鹽味拉麵🍜（$128）
貝汁鹽味拉麵🍜嘅湯底以大蜆熬製而成的秘製蜆湯，混合魚介及豚骨湯，配搭白松露油丶牛肝菌醬及煙肉碎，味道帶貝類海鮮既鮮味，比一般湯底多層次感。麵同和牛拉麵都一樣係幼身既麵條，配料有一件慢煮叉燒同一件三層肉叉燒。慢煮叉燒入口嫩滑，而三層肉叉燒就香口啲同肥瘦相間，油脂香啲。
🔆 慢煮叉燒小碗飯🍚（$55）
同樣地慢煮叉燒入口嫩滑，上枱前輕輕炙燒過，增加香氣。伴有半隻溏心蛋🥚、蔥絲，同埋加入醬汁既白飯，小朋友食剛好。
🔆 燒豚肉叉燒小碗飯🍚（$58）
呢碗飯同慢煮叉燒飯既分別就係換上燒豚肉叉燒，配料同份量等其他都係一樣既。
🔆 大根牛筋味噌煮（$65）
蘿蔔同牛筋同辣味噌煮過後十分入味，蘿蔔夠淋又吸晒味噌既味道，牛筋炆得恰到好處，夠淋又充滿膠質，配合埋辣味噌夠惹味。
🔆 涼拌黑松露紋甲墨魚（$70）
有驚喜既一個小食，墨魚切粒配合青瓜、紅洋蔥，加入醋及黑松露醬凍食。墨魚粒入口爽彈，味道同醬汁十分之配合又開胃，加埋配菜，為食妙妙食過不停。
🔆 越後櫻 醉樂無極 大吟釀 300ml🍶（$180）
味道唔太濃，易入口，配合拉麵食都唔錯。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤(4/5)
❤🙆♀️(為食妙妙)整體食評：❤❤❤❤(4/5)
👉🏻A5和牛拉麵，份量得一片，如果慷概🤏🤏🤏就good嘞😋
🔆🔆🔆🔆🔆🔆🔆🔆🔆🔆🔆🔆🔆
張貼
