老祖食堂

營業中

休息中

曾經獲得2023-24香港米芝蓮指南。巡五一人山人海之前，過嚟東涌行吓街。特登上去food court試吓呢間嘢。走懷舊台式街頭小店風味。我就係鍾意餐牌唔使好多嘢揀，好食嘅餐廳應該精益求精，專心做自己專長嘅嘢就足夠啦。一定要試佢哋嘅 極黑黯然銷魂飯。層次分明肥瘦適中微微燶邊，加上燶邊太陽蛋。黯然銷魂嘅神粹出晒嚟。酥炸豬肉糭 亦都係佢哋嘅特別名菜。香港呢邊好少地方識得到。揸得金黃入口鬆脆。XO醬炒腸粉，非常出色。鑊氣夠，腸粉煙韌彈口，米香又唔會俾XO醬冚咗。追住嚟食停唔到口。生炸雞髀 好大隻又Juicy，炸到甘香，啖啖爆汁。配上微辣嘅炒麵，就係台灣夜市嘅味道。經典銀針粉，一定要搶住食佢哋嘅炸豬油渣配料。真係一試難忘。