影片
更多
2024-08-24
290 瀏覽
最近旺角通菜街嘅餐廳都轉換得好快，開始出現價錢比較平民嘅餐廳。最近，紅磡一間比較出名嘅中式糖水鋪都係旺角開左分店，呢間糖水鋪甚至連周潤發都幫襯過，門口都可以見到同周潤發嘅合照😂糖水價錢普遍都係3x蚊，最貴都係4x頭，主打懷舊中式養生糖水。桃膠桂花涼粉（加芋圓）呢個係期間限定甜品，涼粉已經好少喺坊間出現，我地普遍見到都係仙草。糖水以懷舊的玻璃碗裝住，有復古風味。除左桃膠同涼粉，仲有桂花、杞子同龍眼肉。比起涼粉，桃膠嘅份量比較多，桃膠毫無雜質，口感軟彈。涼粉口感清涼及咀嚼微彈，糖水不甜。整體口感都好溫和，完全不覺得甜膩。芋圓另外分開上，並附以薑汁。芋圓有兩種口味，分別係蕃薯及紫薯，味道突出，而且口感都唔同。蕃薯味口感微硬具口感；紫薯則軟綿煙韌。芝麻糊拼紅豆沙（加芝麻湯圓）小編第一次見芝麻糊可以拼紅豆沙，店員送上嚟時候係微溫。表面上嘅芝麻糊好似從松露片，肉眼睇紅豆沙份量比較多，但原來芝麻糊都一樣 多。芝麻味都好濃郁，口感都算滑溜。紅豆沙真係煮到有沙沙口感，同時都食到紅豆粒，甜度淡淡，KO成碗都不是難度。湯圓只有芝麻口味，但見得到自家製。糯米入面係爆芝麻糊，糯米都軟糯到好似可以拉絲咁。仁芝初旺
糖水價錢普遍都係3x蚊，最貴都係4x頭，主打懷舊中式養生糖水。
桃膠桂花涼粉（加芋圓）
呢個係期間限定甜品，涼粉已經好少喺坊間出現，我地普遍見到都係仙草。糖水以懷舊的玻璃碗裝住，有復古風味。除左桃膠同涼粉，仲有桂花、杞子同龍眼肉。比起涼粉，桃膠嘅份量比較多，桃膠毫無雜質，口感軟彈。涼粉口感清涼及咀嚼微彈，糖水不甜。整體口感都好溫和，完全不覺得甜膩。
芋圓另外分開上，並附以薑汁。芋圓有兩種口味，分別係蕃薯及紫薯，味道突出，而且口感都唔同。蕃薯味口感微硬具口感；紫薯則軟綿煙韌。
芝麻糊拼紅豆沙（加芝麻湯圓）
小編第一次見芝麻糊可以拼紅豆沙，店員送上嚟時候係微溫。表面上嘅芝麻糊好似從松露片，肉眼睇紅豆沙份量比較多，但原來芝麻糊都一樣 多。芝麻味都好濃郁，口感都算滑溜。紅豆沙真係煮到有沙沙口感，同時都食到紅豆粒，甜度淡淡，KO成碗都不是難度。
湯圓只有芝麻口味，但見得到自家製。糯米入面係爆芝麻糊，糯米都軟糯到好似可以拉絲咁。
仁芝初
旺角通菜街2Q-2Z號鴻輝大廈地下6號舖
張貼
