池記

行完街之後找地方開餐，今次我揀嘅係《池記》。

點咗個及第粥+腸粉+熱飲套餐 ($46)，另加 ($16)配多碟上湯芥蘭。

碗及第粥份量唔算大，不過都有齊豬膶、豬肚、粉腸等材料，味道唔錯，粥底亦夠綿。

腸粉比我想像中爽滑，配埋麻醬、甜醬、豉油、芝麻，又幾好味。

上湯芥蘭味道偏淡，清清哋叫做食得健康啲。

熱飲揀咗薏米水，甜甜哋得少少薑味，估唔到又幾好飲。

今餐雖然係速食，不過水準都okay，都不失為一個食平啲啲嘅好選擇。