影片
更多
2010-03-26
114 瀏覽
又黎呢度食啦！實在太掛住呢度… 今次認識多年既朋友揀左冬瓜豬骨瑤柱湯做湯底，好多料丫！仲要個湯真係白色架！入面有冬瓜、豬骨、雞腳、秀珍菇、粟米，清清甜甜咁，幾好！明太子釀冬菇 + 自制鮮墨魚丸 - 水準Keep到，蝦膠爽口好味養顏花膠筒 + 法國鵝肝 - 花膠比起一般打邊爐黎得真實，有口感，唔會好易煮到溶哂，鵝肝入口即溶，正！黃沙豬潤 + 百花釀QQ豆 - 豬潤好香，煮得恰當就更加滑，QQ豆好特別，無見過咁樣整豆角，剩係誠意同創意都夠晒鮮雞片 + 墨魚釀蓮藕夾 - 我無食過雞片，所以唔知，但個樣好滑咁~ 蓮藕夾幾新鮮，蓮藕夠爽，不過好可惜當放入湯滾滾下就散左lu...芝心鳳尾蝦 + 自製新鮮海蝦滑 - 鳳尾蝦個芝士香而不膩，海蝦滑由於用海蝦，有一種街外食唔到既新鮮蝦味，口感都有兩種層次櫻花牛刺身，無諗過佢係入口即溶，加埋佢俾既酸辣汁，好好味丫！醉蝦 (唔記得左個名) - 呢個係全晚之最丫！好在記得叫佢咋！d蝦黎到仲好生猛，仲係度郁黎郁去！即係證明d蝦仲生既時候用竹簽串起佢，然後就放入呢杯極品度，等佢飲到醉為止... 我就咁聞都覺得好醉丫！^_^ 應該係花雕溝玫瑰露酒，起初都擔心會唔會滾
明太子釀冬菇 + 自制鮮墨魚丸 - 水準Keep到，蝦膠爽口好味
養顏花膠筒 + 法國鵝肝 - 花膠比起一般打邊爐黎得真實，有口感，唔會好易煮到溶哂，鵝肝入口即溶，正！
黃沙豬潤 + 百花釀QQ豆 - 豬潤好香，煮得恰當就更加滑，QQ豆好特別，無見過咁樣整豆角，剩係誠意同創意都夠晒
鮮雞片 + 墨魚釀蓮藕夾 - 我無食過雞片，所以唔知，但個樣好滑咁~ 蓮藕夾幾新鮮，蓮藕夠爽，不過好可惜當放入湯滾滾下就散左lu...
芝心鳳尾蝦 + 自製新鮮海蝦滑 - 鳳尾蝦個芝士香而不膩，海蝦滑由於用海蝦，有一種街外食唔到既新鮮蝦味，口感都有兩種層次
櫻花牛刺身，無諗過佢係入口即溶，加埋佢俾既酸辣汁，好好味丫！
醉蝦 (唔記得左個名) - 呢個係全晚之最丫！好在記得叫佢咋！d蝦黎到仲好生猛，仲係度郁黎郁去！即係證明d蝦仲生既時候用竹簽串起佢，然後就放入呢杯極品度，等佢飲到醉為止... 我就咁聞都覺得好醉丫！^_^ 應該係花雕溝玫瑰露酒，起初都擔心會唔會滾完無哂酒味，點知一食個蝦頭，嘩！好香玫瑰露味丫！蝦本身都夠大隻之餘仲要爽口！記得要浸耐d，咁個蝦身都會有味~ 呢個下次一定要encore！
除左食物之外，呢度最值得一提係佢既服務，真係好到不得了.... 會有專人幫你「筆」走湯面個層油、泡等等... 同埋會教你點食先至最好味...
出外食飯，除左食物要有質素外，服務態度也很重要！呢度兩樣都好滿意，一定會再返黎！^_^
張貼
