新記芝士麵

第一次去尖沙咀食新記芝士麵, 點知就係最後一次食。因為 尖沙咀店會喺10月28號結業。

因為新記, 第一次入香檳大大廈, 入面比較舊, 唔係食新記都唔會無端端入去。

去到見到舖頭入面好多人, 所以選擇左坐出面嘅圓枱。

兩個人叫左兩碗豬頸肉芝士撈公仔麵, 一份蜜汁龍鬚拼瑞士汁雞翼, 一杯凍OT, 一杯凍奶茶。

豬頸肉芝士撈公仔麵

豬頸肉芝士撈公仔麵 – 豬頸肉有燶邊, 甜甜地幾香口。芝士汁就冇咩特別

蜜汁龍鬚拼瑞士汁雞翼

蜜汁龍鬚拼瑞士汁雞翼 – 要等一陣嘅小食, $68嚟講份量算好少。成碟嘢都係甜甜地OK好食,但偏貴。

呢個價錢我會講食風味,  尖沙咀店結業前黎食下都okay。