影片
更多
2014-01-30
2094 瀏覽
台灣過江龍繼光終於殺到黎香港狙擊豪大大！豪大大啲水準越黎越差，繼光有望殺出一條新血路！就地理位置黎講，位於坑口既連理街商場，對於我呢個住調景嶺既人黎講也未免太方便了吧，兩個站就到，不過住得徧遠的食家就要山長水遠來嚕。由於太近既關係，星期二專登趁下午無咁多人既時候幫襯。間舖其實都幾易搵，門面唔算好大，非常整齊。對豪大大感到失望的話不妨試試這個！沒有油煙味，買左炸雞唔洗等到汗流浹背好似豪大大係旺角個間分店，舖面唔大，等個時又逼又唔舒服，實在唔太愉快。呢一次係商場入面等，舒服好多。繼光香港店的炸雞及其他食品均沿用台灣配方，好似香香雞會先用醃料醃製，再配上有中藥成份既調份粉，食起來好特別。其他食物我都頗有興趣，好似杏鮑菇咁。雖然食物選擇唔係好多，得4款，同埋三款飲品。不過我相信每人也是為香香炸雞而來的。服務員好好禮貌，但無笑容，純粹係公式化到極既禮貌。但佢都體貼話麻煩等一等5-10分鐘。一路望住雞件在炸鍋裡翻滾，我雙眼都已經發光~~~香味不斷飄出，等(忍)左7分鐘到，終於炸好啦！！！三位店員同時講左一句普通話咩「……出爐囉！」老實講睇得到佢地既團結性唔高，講得唔齊又細聲，客人根本唔係好聽得到佢
對豪大大感到失望的話不妨試試這個！沒有油煙味，買左炸雞唔洗等到汗流浹背
好似豪大大係旺角個間分店，舖面唔大，等個時又逼又唔舒服，實在唔太愉快。呢一次係商場入面等，舒服好多。繼光香港店的炸雞及其他食品均沿用台灣配方，好似香香雞會先用醃料醃製，再配上有中藥成份既調份粉，食起來好特別。其他食物我都頗有興趣，好似杏鮑菇咁。雖然食物選擇唔係好多，得4款，同埋三款飲品。不過我相信每人也是為香香炸雞而來的。
服務員好好禮貌，但無笑容，純粹係公式化到極既禮貌。但佢都體貼話麻煩等一等5-10分鐘。
一路望住雞件在炸鍋裡翻滾，我雙眼都已經發光~~~香味不斷飄出，等(忍)左7分鐘到，終於炸好啦！！！三位店員同時講左一句普通話咩「……出爐囉！」老實講睇得到佢地既團結性唔高，講得唔齊又細聲，客人根本唔係好聽得到佢地講咩。
出爐後，另一位店員細心咁擺啲香香雞上磅~去計算有幾多g，好似話要有均一既份量先可以俾客人，呢層係做得唔錯，公平少少嘛。
諗住反到屋企先食，點知由坑口搭車反屋企期間，啲香味係咁飄出黎，仲要係勁香個隻，搞到我有點尷尬，拿拿淋反到去，打開個袋，陣香味真係好銷魂啊(≧∇≦)(≧∇≦)(≧∇≦)我嗌左中辣，一啖食落去，都有啲辣，辣過豪大大，掩蓋左調味粉既味。老實，我唔推介各位叫太過辣，因為會連雞件既味道都食唔到。雞件既皮肉唔會分離，雞肉既紋理分明，嫩滑既雞肉保留住一定既肉汁，好味！
張貼
