影片
更多
2022-11-03
24 瀏覽
近排天氣轉涼，最適合打邊爐。醬料會有蔥、芫荽、生蒜、辣椒、炸蒜、薑蓉、芝麻、沙茶醬、麻油，鼓油。自己比較傳統，只加蔥蒜辣椒同鼓油。湯底要咗藥膳花彫醉雞鍋補補身😆，入面有桂圓，紅棗，杞子等中藥材（好似係北芪淮山🤔）花雕醉雞有半隻雞，分量十足。湯底滾起後聞到濃濃酒香味，飲落幾清甜。特尚手切牛（$180）：脂肪分布平均，牛肉新鮮，味道濃郁。烚完唔韌，而且軟淋，好好味。四圍餃尚盛（$127）：有蟹皇餃，鮮蝦雲吞同西洋菜香菇餃。唔係好分到2款蟹皇餃既分別，不過蟹肉蟹黃都唔少，另外有啲炸魚肚粒同蝦肉粒，幾鮮味。鮮蝦雲吞有原隻大蝦，爽口唔錯。鮮打四寶丸（$86）：有牛、豬、墨魚、蝦。四寶丸口感唔錯，質地彈牙，墨魚丸尤其出色👍🏻雜菜種類唔少，有娃娃菜、油麥菜、生菜、蕃茄、粟米，蘿蔔。響鈴新鮮炸起，但唔算油膩。小店雖然地方唔大，但都坐得幾舒服。職員服務都幾好，會主動加水，加湯底同撇走啲油。冬天可以再encore ~
湯底要咗藥膳花彫醉雞鍋補補身😆，入面有桂圓，紅棗，杞子等中藥材（好似係北芪淮山🤔）花雕醉雞有半隻雞，分量十足。湯底滾起後聞到濃濃酒香味，飲落幾清甜。
特尚手切牛（$180）：脂肪分布平均，牛肉新鮮，味道濃郁。烚完唔韌，而且軟淋，好好味。
四圍餃尚盛（$127）：有蟹皇餃，鮮蝦雲吞同西洋菜香菇餃。唔係好分到2款蟹皇餃既分別，不過蟹肉蟹黃都唔少，另外有啲炸魚肚粒同蝦肉粒，幾鮮味。鮮蝦雲吞有原隻大蝦，爽口唔錯。
鮮打四寶丸（$86）：有牛、豬、墨魚、蝦。四寶丸口感唔錯，質地彈牙，墨魚丸尤其出色👍🏻
雜菜種類唔少，有娃娃菜、油麥菜、生菜、蕃茄、粟米，蘿蔔。響鈴新鮮炸起，但唔算油膩。
小店雖然地方唔大，但都坐得幾舒服。職員服務都幾好，會主動加水，加湯底同撇走啲油。冬天可以再encore ~
張貼
