影片
更多
2021-10-05
192 瀏覽
延續香港地特色餐廳系列而家啲天氣真係難攪，過埋中秋都咁熱，行街行都標哂汗，就近呢間深深啱哂心水，裝修都比較懷舊，入面牆身仲有啲九龍皇帝字裝飾，九龍皇帝真心經典，不過我諗會逐漸被人遺忘，00後可能見都未見過真跡，少啲共鳴要清熱，當然揀凍綠豆，古人智慧，清熱解毒，入面嘅海帶更加偏寒涼，寒底嘅我，唔食得太多，適可而止，呢碗綠豆夠冰凍，煲到爆哂花，唔會水還水渣還渣，帶臭草香，海帶爽口，高質，但係真係唔敢食太多除左清熱，仲見到有清心丸，呢味野真係懷舊到不得了，細細個喺酒樓飲茶推車仔食過，我知九龍城有得食，但係比較少去果頭，其他區好似冇乜見過，店員推介我配搭馬蹄爽，聽到個爽字就唔洗諗，即叫，爽一爽。清心丸透明，好似粒骰仔，超級彈牙，帶微甜，同埋馬蹄一齊食，好有口感層次，清唔清心我唔知，食完真係清涼左，因為冷氣夠涼咋
而家啲天氣真係難攪，過埋中秋都咁熱，行街行都標哂汗，就近呢間深深啱哂心水，裝修都比較懷舊，入面牆身仲有啲九龍皇帝字裝飾，九龍皇帝真心經典，不過我諗會逐漸被人遺忘，00後可能見都未見過真跡，少啲共鳴
要清熱，當然揀凍綠豆，古人智慧，清熱解毒，入面嘅海帶更加偏寒涼，寒底嘅我，唔食得太多，適可而止，呢碗綠豆夠冰凍，煲到爆哂花，唔會水還水渣還渣，帶臭草香，海帶爽口，高質，但係真係唔敢食太多
除左清熱，仲見到有清心丸，呢味野真係懷舊到不得了，細細個喺酒樓飲茶推車仔食過，我知九龍城有得食，但係比較少去果頭，其他區好似冇乜見過，店員推介我配搭馬蹄爽，聽到個爽字就唔洗諗，即叫，爽一爽。清心丸透明，好似粒骰仔，超級彈牙，帶微甜，同埋馬蹄一齊食，好有口感層次，清唔清心我唔知，食完真係清涼左，因為冷氣夠涼咋
張貼
