餐廳裝修帶日本風格，設計時尚，空間感大，坐在卡位近門口更開揚，食物擺盤精美。
餐湯/沙律 : 燒日本南瓜無花果瑞可塔芝士 配 蜜糖黑醋汁 $128
日本南瓜特別香甜，燒烤過軟綿綿，無花果食落清新，濃厚嘅瑞可塔芝士及配搭蜜糖黑醋汁，健康之選！
主食選二 : 火炙間八香草燒日本南瓜丼 / 香煎帶子榮螺貝柱蒜片意粉 (辣) / 燒春雞伴日本南瓜 配 羊肚菌汁 / 炙烤A5和牛伴日本南瓜天婦羅 配 羊肚菌汁
炙烤A5和牛伴日本南瓜天婦羅 配 羊肚菌汁 $328
擺盤精美嘅日式料理，烤過嘅和牛帶焦香味，肉質嫩滑，有肉汁，肉味濃厚，與炸至金黃香脆嘅日本南瓜很配，沾上羊肚菌汁，味道層次更提升。
香煎帶子榮螺貝柱蒜片意粉 $168
依碟海鮮材料豐富嘅意粉，帶子煎至外脆內軟，榮螺肉質爽口，貝柱鮮味鹹香，意粉帶點煙韌，食起嚟有咬口，調味微辣，加入蒜片更惹味。
柚子雪葩無花果芭菲 $78
到甜品時間，柚子雪葩無花果芭菲，兩款水果帶來清新感覺，柚子味散發出來，香氣四溢，無花果嘅質地柔軟，味道香甜，與柚子雪葩配搭出豐富嘅口感層次。
楓糖乳酪奶蓋香橙伯爵茶 (凍/熱) $58
楓糖乳酪奶蓋蘋果生薑伯爵茶 (凍/熱) $58
揀選兩杯都是凍飲～楓糖乳酪奶蓋香橙伯爵茶 & 楓糖乳酪奶蓋蘋果生薑伯爵茶，兩杯賣相都好靚，打卡最合適。飲品甘醇微甜，好香果味，口感creamy。
