影片
2017-04-20
279 瀏覽
界限街與太子道西中間的一段花園街，可說是一條食街! 一小段路已經見到十幾間食肆。夜已深，到此搵食，由呢段路街頭行到街尾，見到「火薈」係最燈光通明，最金碧輝煌! 喺大門口打量一下，就同朋友上咗去。拾級而上:梯間有啲金色小擺設:樓頂掛有一盞盞簡約掛燈:一上到黎左手邊就會見到貼左啲明星相同明星簽名，明顯呢度係一個明星打邊爐嘅「私竇」! 私密私密打~ 邊爐!原來呢度有VIP房，仲有獨立厠所。黃淑儀、陳展鵬、洪金寶、喬寶寶、邵音音......上到黎唔係太多人，可能太夜，可以靜靜地打邊爐，正!仲未點嘢食店員已經奉上調料，都幾精美:枱面擺住一張黃色點菜紙，底面列印，都算好多選擇。左思右想左幾分鐘都未諗到想食乜...... 跟住店員又攞咗兩個餐牌黎。原來有三款套餐:另一張就寫住加拿大A級象拔蚌$198，仲送芫茜皮蛋湯或者火薈清雞湯，加＄30可以轉其他鍋底。睇返最平嘅湯底都要$88 ，所以份象拔蚌其實只係＄110 ，好似好抵咁。我同朋友都有選擇困難症，所以最後都係決定揀套餐，唔使諗太多。揀左個A餐 - 象拔蚌海鮮餐店員仲大力推薦佢哋嘅竹蔗茅根$48，話係師傅今日啱啱煲，好新鮮又清潤，好黎一Jar啦，
拾級而上:
梯間有啲金色小擺設:
樓頂掛有一盞盞簡約掛燈:
一上到黎左手邊就會見到貼左啲明星相同明星簽名，明顯呢度係一個明星打邊爐嘅「私竇」! 私密私密打~ 邊爐!原來呢度有VIP房，仲有獨立厠所。
黃淑儀、陳展鵬、洪金寶、喬寶寶、邵音音......
上到黎唔係太多人，可能太夜，可以靜靜地打邊爐，正!仲未點嘢食店員已經奉上調料，都幾精美:
枱面擺住一張黃色點菜紙，底面列印，都算好多選擇。
左思右想左幾分鐘都未諗到想食乜...... 跟住店員又攞咗兩個餐牌黎。原來有三款套餐:
另一張就寫住加拿大A級象拔蚌$198，仲送芫茜皮蛋湯或者火薈清雞湯，加＄30可以轉其他鍋底。睇返最平嘅湯底都要$88 ，所以份象拔蚌其實只係＄110 ，好似好抵咁。
我同朋友都有選擇困難症，所以最後都係決定揀套餐，唔使諗太多。揀左個A餐 - 象拔蚌海鮮餐店員仲大力推薦佢哋嘅竹蔗茅根$48，話係師傅今日啱啱煲，好新鮮又清潤，好黎一Jar啦，好口渴。
竹蔗茅根
$48
22 瀏覽
0 讚好
0 留言
竹蔗、茅根、紅蘿蔔、馬蹄、粟米，咁多料，夠晒甜啦，連渣都要食埋，個粟米吸收左竹蔗嘅甜味，好甜好正!
套餐中嘅美國安格斯牛肉，油脂分佈平均，睇個樣都知係新鮮，靚野黎，牛味仲好濃。
美國安格斯牛肉
7 瀏覽
0 讚好
0 留言
游水海中蝦 - 游唔游水呢，就唔知喇，但真係好新鮮嘅。睇吓啲蝦幾通透:
熟左呈粉橙色，冇黑頭，絕對新鮮，好鮮甜。
日本大元貝- 係好大隻，極之爽彈。
野生花尾躉，一入口就知係正野，真龍躉黎，唔係假野。肉豐厚而嫩滑，好有口感，仲有魚油滲出。
刺身象拔蚌，同啲生海鮮放埋一齊，有點浪費。都係灼一灼先食，灼完依然爽脆~
我地食到中途，我好想坐嗰張枱嘅客人啱啱走左，雖然未執枱，但都趁機影返張相先，唔係好快又會俾人坐左架喇。靠窗嘅呢張枱，活動式窗戶全開，可以嘆住冷氣，吹住涼風，望住街景，食住美食，真係正。個人覺得全場最正呢個位，如果下次黎要訂呢張枱
埋單時打左折，原來九點後入席有88折~
一路食一路吹水，食完都好夜，大部份客人都走晒。臨走時趁機行一圈，其實呢度裝修都好靚，老闆應該投放左唔少錢！
備註: 原來有個露台位可以俾有食煙望夜景，仲要有埋木櫈坐。
張貼
