心怡甜品

營業中

休息中

平時食開小巴站附近果間。不過今次想食間未食過嘅😛，就行前咗一條街，去食成日見好多人嘅「心怡甜品」。😎榴蓮王子有榴蓮雪糕 + 榴蓮肉 + 西米 + 椰汁 + 芒果，好多配料，味道唔算好甜。😋芒果奶凍呢款比較普通，奶凍上面有芒果雪糕，外加6件芒果肉。不過而家始終唔係芒果當造嘅季節，所以芒果肉有少少酸。😙椰王榴蓮盅見到個名就覺得好特別🤩。係用椰王殼裝住大大件嘅榴蓮肉、西米，仲有蛋白。榴蓮肉好好味😋。一擺枱就聞到有榴蓮味😍。可惜椰王殼冇椰子肉🥥，冇得刮嚟食。