Dr. Fern's Gin Parlour (已結業)

放假想chill一chill但朋友選擇左係中環見面，諗住都係避唔到煩囂嘅時候，原來佢早有預謀，搵左間環境好好又寧靜嘅地方大家心靈休息一下。呢間係置地嘅酒吧，連門面都十分有趣味，正面望以為係門口～仔細一睇就知要係旁邊嘅小門進入。唔透露太多，詳細就自己去到意會下啦！主打氈酒嘅酒吧，齋係gin嘅口味同品牌已經有十多頁menu！由口味喜好去分再揀邊款gin好似執藥咁，我就鐘意perfumed嘅口味～侍應介紹之下發現佢地都有白蘭樹下Perfume Trees，係香港人品牌～飲落好香，花香味都好突出，仲帶少少藥材味！值得一試同埋都岩女仔飲～另外杯嘅裝飾點綴都有加分，本身gin係偏透明，最多係比較濁啲嘅米白色～加左裝飾之後就無咁單一，而係網上仲見到一啲花冰更加靚添～除左花嘅裝飾外，仲會配搭返相關嘅水果。如果附近返工，收工嚟飲返杯都唔錯～仲可以邊飲邊食ham！