影片
更多
2023-05-19
277 瀏覽
👍🏻廚師發辦私房菜 $600起第一次跟朋友去食日式私房菜，呢間非常特別同難忘，一定要寫低同大家分享下銅鑼灣分店門面好低調神秘，黑蚊蚊經過都唔會發現係間餐廳，通常熟客先識窿路搵到😂呢度同一般嘅廚師發辦唔同，唔係做壽司主打，而係主打比較另類少見嘅熟成魚生😮冇既定嘅Menu，價錢豐儉由人，一人由$600起跳至$1500左右到店前師傅會直接打電話聯絡客人，客人可以自由定價比budget，師傅再tailor made度身訂造menu，所以食嘅嘢未必枱枱一樣以下係當日我地嘅tailor made menu俾大家參考下(budget約$1000/位)🌟-🔸前菜▪️千葉縣菜之花▪️富山縣螢光魷魚▪️北海道鮟鱇魚肝-🔸時令熟成刺身▪️北海道小樽八角魚▪️三重縣鮫魚▪️長崎縣深海池魚▪️長崎縣竹籤魚▪️愛媛縣野生油甘魚▪️北海道本象拔蚌▪️火炙天草縣鯖魚▪️火炙北海道銀鱈魚▪️北海道赤海膽伴紋甲魷魚▪️火炙俄羅斯左口魚邊大部份魚生都係經過師傅自家濕式熟成，每日跟進變化，需要師傅一定嘅經驗同功架熟成後每種魚獨有嘅魚脂香會更加突出，同時肉質口感更軟嫩，鮮味特別濃郁🤤輕輕調味，甚至唔需要點任何醬汁，享受原汁原味👍🏻-🔸沙律▪️風乾九州產南
第一次跟朋友去食日式私房菜，呢間非常特別同難忘，一定要寫低同大家分享下
銅鑼灣分店門面好低調神秘，黑蚊蚊經過都唔會發現係間餐廳，通常熟客先識窿路搵到😂
呢度同一般嘅廚師發辦唔同，唔係做壽司主打，而係主打比較另類少見嘅熟成魚生😮
冇既定嘅Menu，價錢豐儉由人，一人由$600起跳至$1500左右
到店前師傅會直接打電話聯絡客人，客人可以自由定價比budget，師傅再tailor made度身訂造menu，所以食嘅嘢未必枱枱一樣
以下係當日我地嘅tailor made menu俾大家參考下(budget約$1000/位)🌟
-
🔸前菜
▪️千葉縣菜之花▪️富山縣螢光魷魚▪️北海道鮟鱇魚肝
-🔸時令熟成刺身
▪️北海道小樽八角魚
▪️三重縣鮫魚
▪️長崎縣深海池魚
▪️長崎縣竹籤魚
▪️愛媛縣野生油甘魚
▪️北海道本象拔蚌
▪️火炙天草縣鯖魚
▪️火炙北海道銀鱈魚
▪️北海道赤海膽伴紋甲魷魚
▪️火炙俄羅斯左口魚邊
大部份魚生都係經過師傅自家濕式熟成，每日跟進變化，需要師傅一定嘅經驗同功架熟成後每種魚獨有嘅魚脂香會更加突出，同時肉質口感更軟嫩，鮮味特別濃郁🤤
輕輕調味，甚至唔需要點任何醬汁，享受原汁原味👍🏻
-
🔸沙律
▪️風乾九州產南瓜沙律
將南瓜蓉風乾抽出水份，甜度提升，南瓜天然甜味更濃
-🔸小食
▪️蟹肉牛油果蓉伴脆多士
蟹肉果蓉口感綿滑，充滿濃濃嘅蟹肉鮮甜味
▪️什錦蔬菜天婦羅天婦羅咬落空氣感重，非常酥脆但不油膩
估唔到連沙律、炸物都一樣出色🥹
-🔸主食
▪️神川特製海鮮粥
師傅嘅得意之作，湯膽以瀨尿蝦、龍蝦、海膽、松葉蟹等海鮮熬足四年，鮮味極度濃郁，呢個真係好食到流淚😭😭
-🔸甜品
▪️日本直送冧酒提子雪糕▪️Brownie▪️柚子芝士蛋糕
-整體菜式非常驚艷，每道菜都令人眼前一亮，好有驚喜😳
選用時令魚生、稀有品種、獨有菜式，係坊間比較另類少見嘅組合，配搭概念做法特別創新，feel到餐廳團隊用心製作👍🏻
雖然冇一般日式居酒屋/omakase個種高級裝修，反而行酒吧風格，但師傅同客人之間嘅互動絕對唔會少
每道菜上枱，師傅都會非常詳細講解每樣食材，產地來源、背景、食材特色、煮法、配搭調味食法等等，當然仲有佢地專注堅持嘅熟成concept
雖然座位唔多只有十零個，但唔會趕客走，可以慢慢坐，食嘢飲酒吹水chill下😌
食得私房菜價錢就一定唔係平民，但呢度俾出嚟嘅錢絕對值得，返工咁辛苦間唔時享受下食餐好對自己好啲都係要嘅🥺！
-
味道：10/10
性價比：8/10
-
📍#神川日本料理 @my_sushi_hong_kong
銅鑼灣摩理臣山道10號地舖
西環西營盤水街25-35A號樂新大廈地下2號舖
張貼
