有鑊氣-酸菜魚 (大全街)

營業中

休息中

平時食開深水埗店，基本上唔Book位根本無乜可能食到，見到佢地終於開分店，真係開心。坐低先來個江南四小拼口水雞、海蜇頭、准山片同沙薑豬手四樣都好食，我自己最鍾意個沙薑豬手，唔夠喉所以要Encore獨立叫多碟。冰鎮咕嚕肉真係做得好好，外脆內軟，皮又夠薄，D汁又分佈得好平均，成盤冰上，真心推介。招牌酸菜魚又係必食的，佢條魚好新鮮，酸菜的酸同辣椒的辣都剛剛好，另外佢入面有寬粉，吸晒D味，好食。鹽水鵝都做得好好，隻鵝偏瘦，啱晒我，鵝肉入晒味，肉質仲算嫩，師傅嘅火喉掌握得好好。呢個金沙火箭魷真係再邪惡都要試吓。火箭魷本身夠新鮮，所以食到好爽口，鹹蛋黃做的粉漿唔會太厚，所以食多幾件都唔會好滯。呢個竹炭炸豆腐賣相靚味道好，雖然是炸物，但無乜油，好乾身，香脆兼備。呢個蜆又係好正，蜆新鮮肥美，用錫紙封焗，等蜆嘅精華留返晒喺入面。最後想講佢杯巨型檸茶，真係唔打得都睇得，飲得特別開心。