影片
更多
2017-04-29
1610 瀏覽
今晚我們買咗8點半嘅票喺旺角朗豪坊戲院睇戲，但由於未夠鐘入場，所以我們去咗「NeNe Chicken」食晚飯！我們叫咗鮑魚蔘鷄湯嘅湯底味道比較清淡，祇有好淡淡蔘嘅甘味，鷄肉嘅肉質亦比較「嚡」，而鮑魚都幾鮮味彈牙！芝士炒年糕伴拉麵嘅年糕相當煙煙韌韌，醬汁嘅濃稠度調教得恰到好處，唔會過稠或過稀，拉麵嘅麵質好爽口彈牙，另外由於媽咪唔係太鍾意食超多芝士嘅關係，喺落單嗰陣我們同店員講話芝士嘅份量可唔可以唔好咁多，店員話：「好！我幫你安排！」，結果嚟到真係得好少芝士，真係值得一讚！迷你鷄蛋卷「原味」喺外層淋滿咗好多茄汁同沙律醬，雖然賣相係相當色彩繽紛，但就完全掩蓋晒鷄蛋卷原本嘅鷄蛋香味，所以而家祇係食到茄汁味同沙律醬味！雙重滋味炸鷄係可以自選兩款味道雙拼，而我們就揀咗韓式甜辣拼蒜香醬油，韓式甜辣嘅味道就非常濃郁同相當甜，所以食落感覺有啲膩，而蒜香醬油嘅味道就比較芳香惹味，至於炸鷄嘅外層炸粉比較厚身，但鷄肉嘅肉質都幾鬆軟嫩滑！最後喺我們「埋單」嗰陣店員同我們講話凡惠顧滿$300，就可以送韓國特色雪糕批一支！
最後喺我們「埋單」嗰陣店員同我們講話凡惠顧滿$300，就可以送韓國特色雪糕批一支！
鮑魚蔘鷄湯
422 瀏覽
1 讚好
0 留言
芝士炒年糕伴拉麵
320 瀏覽
0 讚好
0 留言
迷你鷄蛋卷「原味」
192 瀏覽
1 讚好
0 留言
雙重滋味炸鷄
168 瀏覽
0 讚好
0 留言
124 瀏覽
0 讚好
0 留言
114 瀏覽
0 讚好
0 留言
張貼
