廟街香辣蟹

營業中

休息中

之前返工成日見到呢度d海鮮好似好好味咁..今次生日終於有機會可以試下!收工出到佐敦都成一點..去到竟然得兩.三台~可能因為平日關係..d人第2日仲要返工~雖然我地得兩個人..但係都點左好多菜:白灼東風螺: ok size,味道ok,冇嘜特別!椒鹽賴尿蝦: 我地叫左大大隻果d賴尿蝦,$100 4隻..我本身好少食賴尿蝦嫁~不過今次可能大大隻既關係..我覺得食落又幾好味wo蒜蓉粉絲帶子: 我朋友其實想食扇貝~但係個呀姐話賣淨一隻!所以好搞笑咁黎左5隻帶子..1隻扇貝~扇貝我朋友食...帶子我覺得ok..唔可以話好好食!但呢d貨式就一定唔會鬧~冇咩驚喜..豉汁蒸大蟶子: 因為我地叫得太多野食既關係..蟶子我地只係一人叫左一隻!本來個呀姐唔肯嫁..話咩咁大個穫整係整2隻廚房唔會搞~點知後尾又話ok wo..我朋友話要豉椒炒~但上碟就變左蒸..不過我又冇所謂既!但係食落d豉椒汁好"傑"..味道怪怪地~我都唔識點形容..係唔好食囉..唔記得咩北菇生菜: 呢碟最遲到..阿姐唔記得落單!菜又係冇嘜特別..我係唔中意呢度d獻汁咁鬼傑~另外叫左3支生力..埋單要$4xx..雖然係朋友請~不過我都係覺得貴左