好吃吃光

營業中

休息中

星期日中午嚟食lunch店舖好多人，但好彩有得Walk in.月見蚵仔滷肉飯：招牌signature菜式，見到好多人嗌，蚵仔上面嗰啲好大粒，好肥美下面嗰啲細粒啲，蛋都好好食，值得一提滷肉飯超多汁！全部飯都沾滿鹵肉，好滿足！無冰芋泥鮮奶（熱）：見呢杯都係大熱，就嗌咗，但個人覺得普通，有啲淡。起司雞排蛋餅：多數嘅蛋餅都冇雞扒餡，見到呢度有即刻嗌咗。雞扒好大塊，蛋餅入邊仲有菜，幾好食。值得一題係芝士係用羊奶芝士，有少少羊臊味，比較特別，蛋餅醬汁都好夾好好食。滷肉乾拌麵配煎蛋 轉全熟蛋：拌麵一開始比較乾，撈嘅時候，黐埋一pat,要啲時間先分開。滷肉湯麵嘅比例好好，撈麵好好食。因為朋友唔食生蛋，所以轉咗全熟蛋配埋甜豉油超級好食，推介！阿薩姆紅茶（熱）：正常紅茶冇乜甜味比較苦。