影片
更多
2013-01-29
5076 瀏覽
9月22日, 今晚有親戚喺迪士尼擺婚宴, 我地7點鐘入到去~ 入到迪士尼酒店, 先行過一條長長嘅走廊, 經過一個一個以迪士尼公主命名嘅宴會廳, 最後嘅到最入面嗰間, 地方唔算大, 主人家擺咗十多圍, 而外則仲有個露天草地, 都算係富麗堂皇~ 由於係以自助餐形式, 食物種類都幾多~::: 龍蝦沙律 :::喺去自助餐枱度攞野食之前, 每位賓客先有半隻龍蝦~ 話就話係連住半隻龍蝦殼, 但係龍蝦肉一早已經拆咗, 再撈上一d沙律先至再放番入個殼度~ 味道唔係好夾, 沙律醬酸酸地並唔能夠帶出龍蝦嘅鮮味, 加上龍蝦肉本身唔夠爽口, 似乎唔係咁新鮮… 沙律方面, 薯仔唔少得, 加上蘿蔔粒等等, 最奇怪係加咗d青豆, 仲要超級硬, 俾小朋友食可能都ok, 但係俾我地嘅感覺就係o徙咗隻龍蝦, 唔掂! ::: 頭盤 :::頭盤款式唔少, 有齊晒自助餐應有嘅野~ 冷盤有長腳蟹、蝦、青口、煙三文魚等等, 呢d都算係水準之作, 長腳蟹唔錯~ 另外魚生都幾足款, 三文魚、油甘魚、吞拿魚、帶子同甜蝦都有, 三文魚同甜蝦都ok, 有鮮味又唔算好勁雪藏味~ 但係帶子就十分差, 好膠好韌完全冇鮮味… 壽司更加唔駛講, 同平
::: 龍蝦沙律 :::
喺去自助餐枱度攞野食之前, 每位賓客先有半隻龍蝦~ 話就話係連住半隻龍蝦殼, 但係龍蝦肉一早已經拆咗, 再撈上一d沙律先至再放番入個殼度~ 味道唔係好夾, 沙律醬酸酸地並唔能夠帶出龍蝦嘅鮮味, 加上龍蝦肉本身唔夠爽口, 似乎唔係咁新鮮… 沙律方面, 薯仔唔少得, 加上蘿蔔粒等等, 最奇怪係加咗d青豆, 仲要超級硬, 俾小朋友食可能都ok, 但係俾我地嘅感覺就係o徙咗隻龍蝦, 唔掂!
::: 頭盤 :::
頭盤款式唔少, 有齊晒自助餐應有嘅野~ 冷盤有長腳蟹、蝦、青口、煙三文魚等等, 呢d都算係水準之作, 長腳蟹唔錯~ 另外魚生都幾足款, 三文魚、油甘魚、吞拿魚、帶子同甜蝦都有, 三文魚同甜蝦都ok, 有鮮味又唔算好勁雪藏味~ 但係帶子就十分差, 好膠好韌完全冇鮮味… 壽司更加唔駛講, 同平時自助餐一樣, 舊飯大到係面頭d料嘅4-5倍, 為咗唔好浪費食物都係食番魚生算… 仲有好似沙律呢d必定有嘅野, 其中整成米奇老鼠頭形嘅蟹肉沙律真係幾好食~ 不過有d失望竟然冇生蠔…
::: 餐湯麵包 :::
餐湯有南瓜忌廉湯, 味道幾濃郁, 濃濃嘅南瓜味, 十分足料, 而個杰度都夠, 幾creamy, 唔錯~ 麵包選擇都多, 有7-8款, 不過大多都比較凍同硬…
::: 熱葷 :::
大多數嘅熱葷原來都係同平時去飲嘅差唔多, 可能都想你食番嗰d野~ 有乳豬、炒飯、乾燒伊麵, 唯獨是冇翅或湯羹喎, 如過有就更加好. 另外都有d炒菜、牛仔肉咁嘅酒樓宴客野, 唔算好特別… 味道嚟講乳豬已經擺得太耐外皮唔夠脆, 比較油膩. 乾燒伊麵比較淡口, 其他野都普普通通…
::: 甜品 :::
甜品都有幾款蛋糕、生果、同雪糕, 蛋糕都有齊朱古力、芝士餅呢d普通野, 可以滿足晒唔同人, 我就比較鍾意食雪糕, 雪糕應該係d普通牌子, 唔算係好滑, 可以接受.
其實大老遠嚟到飲, 都唔怪得主人家, 因為佢地都係想有個童話式嘅婚禮. 食物質素唔算高, 但係服務都幾好, 雖然都係年青練習生, 收碟快又成日幫我地加橙汁, 都係一個幾好嘅婚宴場合~
張貼
