正九清湯腩 (常安樓)

營業中

休息中

今晚想同屋企人食個快嘅，個肚子唔算好餓，路經呢間粉麵店，出名食各款牛腩、牛丸等，所以就入黎了：1）雙拼： 牛爽腩加紫菜米粉（飲熱鴛鴦）第一次食真正嘅牛爽腩，真係爽口彈牙的，一啲都唔黏牙，紫菜爽口，口感爽脆，唔會糊口嘅紫菜 。湯底冇味精㗎！熱鴛鴦：正宗港式味道，一定要試呀！滑溜有茶香，同時有咖啡香！2）牛三寶米粉（牛肚、牛腩、牛筋）+凍檸茶呢碗將牛腩轉牛坑腩試一試，咁樣就可以試到多一款牛腩👍🏽👍🏽👍🏽牛坑腩脂肪均勻，牛筋煮得夠腍，好容易咬開，牛肚一啲都唔韌，爽脆口感！你鍾意食牛的話，一定要叫呢個。凍檸茶有港式茶餐廳的水準，好飲！餐廳有舒適卡座，服務有禮，唔會催人落單，食店乾淨整齊，價錢合理。