仁芝初 (已結業)

食完晚飯梗係要食埋糖水喇由其最近天氣愈黎愈熱買碗糖水返屋企涼住冷氣食都幾爽🤣🔷凍百合香草綠豆沙綠豆沙入口好順滑 百合爽脆帶微甜甜度啱啱好 唔會太膩 夏天食真係透心涼如果綠豆再起沙啲就滿分🔷古法養顏燉桃膠養生之選！桃膠燉到好軟滑 入口即化配埋桂圓、紅棗同杞子 甜中帶微微藥膳香 飲完成個人都潤晒 甜度比較低 健康派會鍾意🔷芒果椰汁紫米露三款之中最驚喜！紫米煮得煙韌有咬口 椰汁香濃但唔會蓋過芒果嘅鮮甜仲有大大粒芒果肉 口感豐富 凍食更加清爽三款糖水各有特色 傳統得來又有心思最推介芒果椰汁紫米露 夠晒滿足❤️❤️❤️❤️