影片
更多
2023-04-17
3026 瀏覽
路過筲箕灣形薈見到有間餐廳叫做「一家」，首先俾佢嘅裝修吸引咗，裏面嘅一幅瓷磚地同埋卡位嘅瓷磚牆，好有30年代feel。再睇埋Menu見到有臭豆腐食，好驚訝！香港好似好少餐廳有臭豆腐食（又或者小弟知識乏味😅）於是就決定喺度食晚餐。我叫咗臭豆腐（因為我係為咗佢而入嚟食😂）、外婆紅燒肉流心蛋、海鮮澆頭麵（第一次聽澆頭麵，於是上網查下，原來澆頭麵是上海道地麵食，「澆頭」是指添加在飯、麵上的配料，澆頭麵意思就是把配料加到陽春麵(或是乾麵)裡頭，咁我醒起，因為細個嘅時候，如果唔想食飯，我外婆就會將一個餸淋上係個湯麵度俾我食，所以我一定食過，因為咩餸都可以做出嚟，所以勁多變化，今晚就回味一下。）另外我仲叫咗兩杯飲品，睇完個Menu唔叫唔得，因為啲名好得意，一杯係串嘴表妹，另一杯係嬌滴滴姪女😂。臭豆腐 - 平時喺街邊食臭豆腐嘅時候，食得好論盡，喺餐廳食就可以優雅多啲，而且佢哋嘅臭豆腐有一個優點，就係平時食嘅臭豆腐係正方體，所以要擘到個口勁大，而呢度雖然係大舊過出面，但係就唔係正方體，有啲似豆腐乾既形狀，容易咬，唔會食到好論盡。碟臭豆腐一放低就已經聞到陣味😅唔係勁臭嗰隻，臭得來頂得順，表面炸得好脆，點埋
臭豆腐 - 平時喺街邊食臭豆腐嘅時候，食得好論盡，喺餐廳食就可以優雅多啲，而且佢哋嘅臭豆腐有一個優點，就係平時食嘅臭豆腐係正方體，所以要擘到個口勁大，而呢度雖然係大舊過出面，但係就唔係正方體，有啲似豆腐乾既形狀，容易咬，唔會食到好論盡。碟臭豆腐一放低就已經聞到陣味😅唔係勁臭嗰隻，臭得來頂得順，表面炸得好脆，點埋甜醬食真係好愛呀🥰
外婆紅燒肉流心蛋 - 嘩！五花肉煮得好淋，好入味，望落去雖然肥，但係食落口唔油膩，舊五花肉處理得好好，外婆紅燒肉雖然係一個餸名，但係我外婆真係經常煮紅燒肉俾我食，每次碟餸一出嚟，我第一時間搶墨魚食，而呢度居然同我外婆一樣都係用墨魚炊五花肉，因為係出面食既通常會用百頁結又或者淨係肉，估唔到呢度同我外婆一樣都係用墨魚，非常驚喜😘而且呢度係用大墨魚，所以夠厚身，好食！加埋流心蛋配飯食無敵👍🏻
海鮮澆頭麵 - 將一款餸菜淋落湯麵度，味道應該會淡左，呢方面佢哋處理得好好，味道剛剛好唔會過咸，而且碗麵幾大碗，海鮮料亦夠多，食完之後好滿足。
串嘴表妹 - 柑桔茉莉茶、雜莓、檸蜜爆珠
嬌滴滴姪女 - 芒果芝士雲、茉莉茶
飲品都係好飲，寫咗啲配搭係度，自己想像下啦😊
臭豆腐
43 瀏覽
1 讚好
0 留言
外婆紅燒肉
55 瀏覽
1 讚好
0 留言
海鮮澆頭麵
43 瀏覽
0 讚好
0 留言
海鮮澆頭麵
45 瀏覽
0 讚好
0 留言
串嘴表妹
35 瀏覽
0 讚好
0 留言
嬌滴滴姪女
19 瀏覽
0 讚好
0 留言
張貼
