丹麥餅店

營業中

休息中

今日同同事因工作關係路過加路連山道，在工作完後，我一來有少少肚餓，二來真係想試試這間備受好評的古老小店，三來都人龍唔算長，所以就試一試。我點左一吉列魚柳包，因為這個包好似係最受好評，同埋我鐘意食魚柳多於豬扒。個魚柳係即炸的，所以保證新鮮、熱辣辣。個包雖然唔係即拱，但見到店員都放佢係一個熱的平面上，所以都唔會凍身。全程都係等左2-3分鐘左右。講返個魚柳包味道先，首先個包外皮酥脆的，所以幾有口感，而麵包入面嗰層係相當鬆軟的，配合魚柳炸的表皮，口感層次組合非常搭配。至於魚柳本身唔會太多油，唔腥，外酥內嫩，絕對係一流。而成個包畫龍點睛的係同時配上沙津醬同番茄醬，每一口都有酸甜的滋味，令我食唔停囗。