影片
更多
2020-10-21
21 瀏覽
近期發生左太多事，精神壓力好大，都想搵朋友出黎同我傾計談心，食串燒就可以慢慢傾，食夜少少都無問題。我地去左佐敦搵左間串燒小店食，款式選擇都幾多，餐廳好乾淨，去到食串燒最驚入到去坐低啲枱枱凳凳黐笠笠，坐都坐得唔自在，但呢到啲枱凳都好乾爽，衛生呢一點真係好重要。 我地都叫左唔少野食，不過食串燒最重要之一就係飲品，我就揀左銀菊露，清甜又清熱，食幾多串串燒都唔驚熱氣，我地就揀左小辣，如果覺得唔夠辣同想食再重口味啲，就可以自己額外加黑椒、辣粉同鹽。.期間限定:鹽燒油甘魚鮫油甘魚鮫皮脆肉嫩，仲有甘香嘅魚油，鮮味無窮，食之前加左少少檸檬汁，增加味道層次。燒牛舌好有口感，牛舌好易咬唔會好韌，牛味香濃。串燒蜜糖雞中翼雞中翼燒至金黃色，外皮塗左一層蜜糖汁，所以食落先有甜甜地嘅蜜糖味，再有醬汁嘅鹹香，雞肉好嫩滑，好好食!燒雞皮成塊都燒到脆卜卜，雞皮上灑滿左鹽燒同小小辣粉，相當惹味。燒雞軟骨口感豐富，仲有好香嘅椒鹽味，夠哂香口惹味。燒豬頸肉厚切豬頸肉口感豐富，入口油香四溢。 原條蒜蓉燒茄子燒茄子係我每次食串燒都會必點，成條茄子都有滿滿嘅蒜蓉、蔥，岩哂我呢啲鍾意食蔥蒜嘅人，非常之惹味，茄子好多肉，而且燒得岩岩好
我地去左佐敦搵左間串燒小店食，款式選擇都幾多，餐廳好乾淨，去到食串燒最驚入到去坐低啲枱枱凳凳黐笠笠，坐都坐得唔自在，但呢到啲枱凳都好乾爽，衛生呢一點真係好重要。 我地都叫左唔少野食，不過食串燒最重要之一就係飲品，我就揀左銀菊露，清甜又清熱，食幾多串串燒都唔驚熱氣，我地就揀左小辣，如果覺得唔夠辣同想食再重口味啲，就可以自己額外加黑椒、辣粉同鹽。
.
期間限定:鹽燒油甘魚鮫
油甘魚鮫皮脆肉嫩，仲有甘香嘅魚油，鮮味無窮，食之前加左少少檸檬汁，增加味道層次。
燒牛舌
好有口感，牛舌好易咬唔會好韌，牛味香濃。
串燒蜜糖雞中翼
雞中翼燒至金黃色，外皮塗左一層蜜糖汁，所以食落先有甜甜地嘅蜜糖味，再有醬汁嘅鹹香，雞肉好嫩滑，好好食!
燒雞皮
成塊都燒到脆卜卜，雞皮上灑滿左鹽燒同小小辣粉，相當惹味。
燒雞軟骨
口感豐富，仲有好香嘅椒鹽味，夠哂香口惹味。
燒豬頸肉
厚切豬頸肉口感豐富，入口油香四溢。
原條蒜蓉燒茄子
燒茄子係我每次食串燒都會必點，成條茄子都有滿滿嘅蒜蓉、蔥，岩哂我呢啲鍾意食蔥蒜嘅人，非常之惹味，茄子好多肉，而且燒得岩岩好，仲可以keep住水分，一啲都唔乾。
燒汁燒冬菇
燒冬菇好考功夫，一唔小心就會燒到過左火，用細火燒又驚佢唔熟，呢到嘅冬菇非常高質，軟腍腍，唔會燒到乾爭爭，仲吸收哂燒汁嘅味道。
脆炸腐皮
腐皮炸到好香脆，中間仲會食到一層層腐皮，口感十足，點上泰式辣醬好正!
椒鹽墨魚咀
墨魚咀，炸漿一啲都唔厚，唔會食到成日都係炸漿粉，墨魚咀新鮮彈牙，大大粒，肉質煙韌，軟中帶硬。
椒鹽炸燒賣
外脆內軟，椒鹽味加上泰式辣醬嘅甜辣味，雙重滋味。
今晚都食左好多野，環境乾淨清潔，坐都坐得舒服又唔會覺得局促，係一個慢慢談心享受美食嘅好地方。
張貼
