豐盛燒鵝茶餐廳

雖然唔會餐餐大魚大肉，不過就算食茶記，女仔都係鍾意食西式，今次膽大大試吓燒味，出奇地好食！

好，坐低睇吓有咩好食先。

二人餐非常抵食有兩味餸，一碟菜、兩杯飲品。
脆皮燒鵝拼叉燒，今日師傅應該心情好靚，切左隻燒鵝髀俾我哋，個皮好脆，燒鵝肉咬落又厚又有肉感，嫩得黎有肉汁，正！

叉燒好柔軟，食落半肥瘦，一啲都唔dry。

沙拉肉排，沙律醬掛滿肉排，炸過嘅肉排，加埋沙律醬又香又Juicy，咬落啖啖肉，好味味！

是日係白菜仔，個菜幾新鮮，菜仔夠嫩。

天氣熱辣辣，飲杯紅豆冰，爽！