影片
更多
2020-09-03
425 瀏覽
搭地鐵嘅時候經常見到皇玥嘅月餅廣告，我一向都唔鐘意食傳統蓮蓉月餅，但就對新派嘅月餅幾有興趣😛。呢日去旺角行街，見到近朗豪坊轉角有間「皇玥」嘅地舖。我進內八掛下之際，店員就已經好熱心咁向我介紹。另外，貨架好整齊咁擺放著各式各樣嘅商品。不過其實我早有目標，就係睇月餅🙈。我朋友都有興趣想試下啲月餅好無食，先決定買唔買，所以我買咗一盒同佢一齊試，不過買五盒就平啲！題外話，值得一讚嘅係店員服務超貼心👍，因為出面落緊雨，所以佢主動幫我用膠袋笠住個紙袋，咁就唔會淋濕啦。👨🏻🍳時尚系列Fancy Series：經典流心雙輝月餅Classic Assorted Lava Mooncakes 👨🏻🍳 (原價:$338, 優惠價$288)月餅包裝盒勁靚😍，湖水綠色嘅盒成個寶箱咁，送禮一流！六個月餅分兩層咁放，每層一款口味、三個獨立包裝月餅。賞味期限為2020年10月18日，咁即係中秋過後半個月都仲食得🏮。月餅係迷你Size，一次食哂一件都唔會太Heavy，而且甜度適中。流心奶黃Lava Custard，呢個係我至愛嘅月餅口味😋，奶黃帶點牛油同鹹蛋香，最重要係佢真係流心㗎！有時熱辣辣蒸起嘅奶黃包都未必有呢
搭地鐵嘅時候經常見到皇玥嘅月餅廣告，我一向都唔鐘意食傳統蓮蓉月餅，但就對新派嘅月餅幾有興趣😛。呢日去旺角行街，見到近朗豪坊轉角有間「皇玥」嘅地舖。
我進內八掛下之際，店員就已經好熱心咁向我介紹。另外，貨架好整齊咁擺放著各式各樣嘅商品。不過其實我早有目標，就係睇月餅🙈。
我朋友都有興趣想試下啲月餅好無食，先決定買唔買，所以我買咗一盒同佢一齊試，不過買五盒就平啲！題外話，值得一讚嘅係店員服務超貼心👍，因為出面落緊雨，所以佢主動幫我用膠袋笠住個紙袋，咁就唔會淋濕啦。
👨🏻🍳時尚系列Fancy Series：經典流心雙輝月餅Classic Assorted Lava Mooncakes 👨🏻🍳 (原價:$338, 優惠價$288)
月餅包裝盒勁靚😍，湖水綠色嘅盒成個寶箱咁，送禮一流！
六個月餅分兩層咁放，每層一款口味、三個獨立包裝月餅。賞味期限為2020年10月18日，咁即係中秋過後半個月都仲食得🏮。月餅係迷你Size，一次食哂一件都唔會太Heavy，而且甜度適中。
流心奶黃Lava Custard，呢個係我至愛嘅月餅口味😋，奶黃帶點牛油同鹹蛋香，最重要係佢真係流心㗎！有時熱辣辣蒸起嘅奶黃包都未必有呢個效果，所以當一切開佢就爆漿嘅時候，我真係幾驚喜。
流心芝麻Lava Sesame，利申一向對芝麻製品一般嘅我都覺得幾好食🤤，流心方面睇圖已經説明一切。我估唔到黑芝麻做月餅口味原來都幾夾，並且融入咗鹹蛋黃味，毫無違和感。芝麻月餅好食過芝麻糊或者芝麻夾心湯圓好多！
由於幾好食嘅關係，我分到嘅四粒月餅喺到手後兩日就已經食哂🤣。我哋一致認為月餅係可以再入手的，我仲有啲興趣想試埋流心薑汁嗰款口味。另外，月餅其實連榴連味都有，但留番俾愛好者吧。
總括嚟講，我對皇玥嘅兩款經典流心月餅好滿意💯，果然係大師級水準；無論月餅味道定外盒包裝都值得拎好高分數，特別係有真．流心效果！不過價錢就偏貴少少啦，加上考慮到月餅本身比較的骰；如果可以嘅話同朋友夾份一齊買多幾盒就會平啲😜。
張貼
