蘇媽.蘇媽馬來西亞茶餐室 (已結業)

今日來試下呢度嘅肉骨茶，叫咗呢個棒棒骨，上菜嘅時候只有兩條，跟住我就個侍應唔係三條咩？佢話大既得兩條。但點睇都唔係大囉😅。我再問佢點為之大，佢話我唔會知，佢哋返貨先知。跟住我話真係唔係大喎，同你幅相差唔多咋喎，跟住另外一個過來發皮四，一手搶左兜野，話咁換俾你囉！跟住擰轉面走咗......一陣之後，佢換一兜完全一樣的返嚟，但係加咗一條骨。我一直都好聲好氣，呢間野真係食到一肚氣。上一次食下午茶就冇機會試佢嘅肉骨茶，上次對面叫碟老鼠粉，上邊有啲細蚊仔飛來飛去。我應該以後都唔會再幫襯。