汴京茶寮 (雲咸街)

營業中

休息中

今日專登同同事黎汴京茶寮食下午茶。雖然疫情嚴重，但都幾乎滿座，可以想像到平時一定仲多人黎食。冷抹茶蕎麥麵套餐配厚燒玉子+是日沖茶蕎麥麵帶淡淡抹茶味，口感煙韌爽滑，夏天食一流。厚燒玉子熱辣辣，充滿蛋味。是日沖茶係白牡丹，味道清清地。成個杯可以俾你拎走架。焙茶鮮奶好滑，店員介唔介意問無糖，結果出黎既效果幾好，飲到更多焙茶本身既味道。紅豆銅鑼燒好綿滑，外皮唔似坊間既甘實，紅豆甜甜地，唔會甜到膩，好食。迷你和菓子細細粒好得意，唔會好似日本個啲太甜，甜度調教得岩岩好。左邊係白豆蓉，右邊係紅豆蓉，外皮咬落煙煙韌韌。純素朱古力芝士蛋糕細細件，第一次食純素蛋糕，其實分別唔大，朱古力味好濃好滑，唔錯。黑芝麻麻糬口感煙韌又軟滑，黑芝麻餡好香，正。茶凍係用玫瑰花同金桂花整既，啫喱口感，幾清新。原來佢地既野食可以拎走同埋網上外賣平台可以外賣，疫情下都唔怕食唔到啦。