Mr. Crab by The Captain's House (已結業)

灣仔返工多年，成日經過Mr. Crab by The Captain’s House，我都好想試，不過就冇咩朋友陪我食海鮮。咁啱有個朋友係中環過嚟探我，於是決定同佢放工一齊喺呢度食晚飯。發現海鮮非常新鮮，感覺就像在海鮮船上即捕即食，甚有驚喜。呢日我哋叫咗二人餐($798)🚤🛥️：首先要選海鮮拼盤/主菜。上得海鮮船，無理由唔食海鮮，所以我哋揀了海蝦(8隻)、翡翠螺(6隻)和小墨魚仔(8隻)。因為海鮮都放係大膠袋，所以最特別係侍應將海鮮拼盤上檯時，會以shake shake薯條方式，將海鮮與醬料調勻。所有海鮮本身都很新鮮，食落海蝦肉質鮮嫩多汁，翡翠螺肉質彈牙清甜，小墨魚仔口感柔軟，配上Cajun醬汁，味道一流。🦞🐙🦪然後湯都可以揀兩碗，所以我哋龍蝦湯、黑松露野菌忌廉湯各選一碗。龍蝦湯味道鮮美濃郁，十分惹味。至於黑松露野菌忌廉湯口感豐富，非常香濃，配埋意式蕃茄包，認真一流！🫕🫕小食前菜都可從脆炸薯條、脆炸雞翼、芝士蟹肉焗意大利燒烤菇、路易斯安那蟹餅(+$10)和法式煮青口(+$30)度揀。我哋叫咗蒜香蜜糖汁嘅脆炸雞翼。雞翼外皮酥脆，蒜香蜜糖汁的比例恰到好處，蒜香和蜜糖等調味料的使用得宜，不會過