泰COOL (英皇道) (裝修中)

啱啱喺鰂魚涌打完羽毛球，喺附近揾食，大家本來諗住去呢間泰國餐廳，簡單食個湯河，但波友比泰菜餐牌吸引，叫餸share食。晚市堂食88折，三餸三杯野飲，三個人平均百鬆d消費，已經係一餐美味既泰美食，個咖哩炸軟殼蟹好好味，同行兩位本來細食既女仕都合力"清盤"。環境坐得舒舒服服，好過北上迫人又浪費時間及人生。至於服務方面無問題，落單時仲有講有笑，同我地用d菜單名開玩笑；佢地差唔多要收工，叫我地埋單後，仲叫我地慢慢，唔會話趕收工叫人走。