NEON

營業中

休息中

近年新蒲崗轉型，舊式工廈轉變成共享辦公室，吸引唔少年青新創業家。但無論係新興行業，老闆定員工，工作上需要一部電腦之餘，可能更需要一杯咖啡，為自己注入打氣能量。位於新蒲崗嘅Neon，除咗一杯香濃幼滑嘅咖啡，食物出品亦不馬虎。黑松露忌廉野菌意粉配大啡菇雖然Neon係一人打理，但出品一啲都唔馬虎。每一條意大利粉都掛滿香濃嘅忌廉醬汁，而黑松露嘅香氣更令人食慾大增。最精彩嘅莫過於最頂層嘅厚身大啡菇，非常Juicy，加上微煎過嘅煙肉片，添加油香滋味！龍蝦忌廉汁意大利粉配香煎雞柳龍蝦忌廉汁非常creamy，意粉都充斥住啖啖嘅龍蝦香味，非常細膩，香滑濃郁！至於煎得脆香嘅雞胸肉，肉質唔嚡，十分滿足！特濃朱古力、Dirty Coffee嚟到Neon又點可以唔試吓人手沖調嘅飲品呢？我哋就分別叫咗凍嘅特濃朱古力同埋熱嘅Dirty coffee。特濃朱古力果然人如其名，一飲落口就已經有濃濃嘅朱古力突襲味蕾；而Dirty coffee嘅奶味同咖啡比例恰到好處，咖啡味並不會被奶味掩蓋，絕對唔會令咖啡嘅愛好者失望呀！