更多
2022-07-24
1341 瀏覽
今日來到蘭桂坊加州大廈24樓嘅Aria Italian 食Sunday Brunch。話說之前食係六百幾蚊booking好full,我預早兩個月已經book定,點知差唔多食之前佢話我聽加價到888蚊,已經上咗船,加價都要試試嘅。我就喺佢哋嘅官方網站book枱嘅,簡單輸入返日期人數就ok,但Weekend Brunch就有機會要收返每位100蚊嘅按金。佢嘅Brunch包一個main,其他前菜海鮮甜品任食,Main嗰方面佢有魚肉蛋pasta pizza,我見人哋叫碟pizza成隻手臂咁長真係好大碟。嘢飲方面佢嘅free flow package 係368,紅白啤酒同Prosecco,留意返本身個Brunch唔包嘢飲,連任杯水都要收錢逐支計。水我揀咗still water,68蚊。開店時間網上雖然寫係1130,但實際入場時間係12點,而佢雖然話每張枱只可以坐2個鐘,但我今日坐耐咗少少佢都唔會話趕你走嘅。佢嘅高度已經差唔多見到中環全景呀,佢分咗室內位同室外位,任君選擇,間舖雖然唔大,但店內裝修都幾有格調,而且三面有窗,觀景都相當開揚,今日佢就派咗個梳化卡位俾我呀,攞咗位就出去睇睇啲嘢食先。(位
今日來到蘭桂坊加州大廈24樓嘅Aria Italian 食Sunday Brunch。話說之前食係六百幾蚊booking好full,我預早兩個月已經book定,點知差唔多食之前佢話我聽加價到888蚊,已經上咗船,加價都要試試嘅。 我就喺佢哋嘅官方網站book枱嘅,簡單輸入返日期人數就ok,但Weekend Brunch就有機會要收返每位100蚊嘅按金。
佢嘅Brunch包一個main,其他前菜海鮮甜品任食,Main嗰方面佢有魚肉蛋pasta pizza,我見人哋叫碟pizza成隻手臂咁長真係好大碟。
嘢飲方面佢嘅free flow package 係368,紅白啤酒同Prosecco,留意返本身個Brunch唔包嘢飲,連任杯水都要收錢逐支計。水我揀咗still water,68蚊。 開店時間網上雖然寫係1130,但實際入場時間係12點,而佢雖然話每張枱只可以坐2個鐘,但我今日坐耐咗少少佢都唔會話趕你走嘅。
佢嘅高度已經差唔多見到中環全景呀,佢分咗室內位同室外位,任君選擇,間舖雖然唔大,但店內裝修都幾有格調,而且三面有窗,觀景都相當開揚,今日佢就派咗個梳化卡位俾我呀,攞咗位就出去睇睇啲嘢食先。(位置於圖中枱嘅隔離) 先嚟試吓啲前菜,今日啲生蠔唔錯,creamy之中帶鮮甜,食到臨尾佢就停咗refill,呢個值得留意。 佢啲長腳蟹真係好大條,係唯獨是個肉質乾咗啲,龍蝦新鮮 蟹大大隻仲幾多膏 再試埋其他野食先,呢舊類似炸筍嘅嘢都幾好食,個八爪魚酸酸哋幾開胃,薯仔沙律,正常,個鮮蝦都爽口。呢幾條嘢初初以為係通菜,竟然係意粉。 佢個即切aging風乾火腿真係不得了,食咗好多好多轉,味道濃厚之餘唔會話腥,仲有個專人切俾你。 前菜食得七七八八,而家就嚟食main啦,首先係和牛肉丸伴茄汁薯蓉,半粒牛丸咁嘅size,牛味非常香濃。
23 瀏覽
0 讚好
0 留言
31 瀏覽
0 讚好
0 留言
8 瀏覽
0 讚好
0 留言
佢哋嘅雪糕非常出色,唔會話好甜,而且好滑。
最後佢問你要唔要coffee or tea,我叫咗咖啡,當然又自費啦,48蚊,我自己攞個雪糕令佢變成Affogato。 總括今餐,抵食一定講唔上,如果係之前其他YouTuber食嗰時咁600幾蚊都可以接受。
雖然意大利餐廳就緊係飲Prosecco , 但加300幾蚊free flow Prosecco 性價比真係一般。
食物方面,除咗個蟹腳乾咗少少其他都完全交得出質素,一分錢一分貨。
服務方面,相當貼心,侍應不時會留意住你張枱嘅需要。但要提提佢嘅fill水速度真係好快,轉個頭就幫你開咗支新水,逐支計錢架,如果會肉痛嘅就要及早同佢講聲。
另外一個值得一讚就係啲侍應會同你講義大利文,不停Grazie Grazie,令你有置身義大利嘅咁覺,好似去咗旅行咁。
張貼