影片
更多
2023-02-04
328 瀏覽
位於大埔平平實實一間老字號粥品店，發記除咗大埔老店之外，仲喺同區開多咗間分店，朋友都推介過幾次，用心製作、好味大碟又經濟，今次經過一於入去試吓。坐位陳設同一般粥品店差不多，但用有椅背嘅櫈，坐得比較舒適，裝修簡潔平實，感覺清潔乾淨。#豬什銀針粉 $36銀針粉都好耐無食，通常食都係浸湯，呢度係用醬油炒，仲要豬什炒，我都係第一次食，本身都唔係好食內臟，不過朋友話係必食，就一於試吓，果然無介紹錯，銀針粉個醬油味好濃郁，唔係一般嘅味道，總覺得佢個醬油係有啲橋妙，銀針粉炒得乾身，細細碟都好有鑊氣，豬什爆炒得好香，尤其覺得豬粉腸好正，唔會覺得有浸內臟嘅膻味，配料有椰菜、芽菜及紅蘿蔔絲，好味到有啲覺得唔夠喉。#傳統炸兩腸 $19呢度食炸兩最正就係新鮮包，意思就係油炸鬼仍然脆卜卜，俾熱辣辣嘅腸粉包住，做到內脆外滑。腸粉厚薄適中，份量都有三條，自行將甜醬、辣醬、麻醬盡情唧上面，超級混醬大啖食，入口層次豐富，滋味無窮。#靚靚碎牛粥 $27越來越少地方有得食，見到餐牌有就即刻叫，都幾大碗，有味粥底好綿，用個小瓦煲奉上，保持住熱辣辣嘅溫度，仲見到一個個滾緊嘅小泡泡，生滾免治牛肉再加炸米粉，加埋蔥花，回憶味道返晒
豬什銀針粉
8 瀏覽
0 讚好
0 留言
銀針粉都好耐無食，通常食都係浸湯，呢度係用醬油炒，仲要豬什炒，我都係第一次食，本身都唔係好食內臟，不過朋友話係必食，就一於試吓，果然無介紹錯，銀針粉個醬油味好濃郁，唔係一般嘅味道，總覺得佢個醬油係有啲橋妙，銀針粉炒得乾身，細細碟都好有鑊氣，豬什爆炒得好香，尤其覺得豬粉腸好正，唔會覺得有浸內臟嘅膻味，配料有椰菜、芽菜及紅蘿蔔絲，好味到有啲覺得唔夠喉。
傳統炸兩腸
12 瀏覽
0 讚好
0 留言
呢度食炸兩最正就係新鮮包，意思就係油炸鬼仍然脆卜卜，俾熱辣辣嘅腸粉包住，做到內脆外滑。腸粉厚薄適中，份量都有三條，自行將甜醬、辣醬、麻醬盡情唧上面，超級混醬大啖食，入口層次豐富，滋味無窮。
靚靚碎牛粥
6 瀏覽
0 讚好
0 留言
#靚靚碎牛粥 $27
越來越少地方有得食，見到餐牌有就即刻叫，都幾大碗，有味粥底好綿，用個小瓦煲奉上，保持住熱辣辣嘅溫度，仲見到一個個滾緊嘅小泡泡，生滾免治牛肉再加炸米粉，加埋蔥花，回憶味道返晒嚟。
#發記腸粉粥品地址：大埔寶鄉街110號地舖
張貼
