Burger Mate

營業中

休息中

經過尖沙咀三角公廁，又發現咗一間好食嘅餐廳！呢間漢堡包小店雖然座位唔太多，但係都keep住好多人。入到去老闆好熱情招呼仲話俾我聽原來佢哋麵包同埋牛肉漢堡都係每日新鮮自己整🍞連其他配料都俾心機自己炒，味道好價錢都唔貴推薦大家去試吓💫✨推！雙層安格斯牛芝士漢堡超級推介有新鮮嘅生菜、香脆嘅自家製麵包、自家製炒洋蔥配上超級juicy嘅安格斯漢堡，一咬落口真係牛肉汁爆發好香嘅牛肉味。值得一讚係麵包都唔會太淋，依然保持到有少少香脆。🍔黑松露蘑菇安格斯牛漢堡鍾意黑松露嘅人一定會好鍾意呢個漢堡，有滿滿嘅黑松露醬、半溶芝士同埋佢哋自家炒製嘅蘑菇，呢個漢堡味道會比較濃郁。🍟黑松露薯條一樣有好多黑松露醬配上薯條好惹味。