影片
更多
2012-11-06
7651 瀏覽
當日係朋友生日，大家都想食大排檔，一諗大排檔就會先諗起津津，但津津d野食水準開始下滑，早排響屋企人口中得知隔離既「德記」大排檔既海鮮唔錯，所以食晚前一晚就打去book定一圍同埋睇下有無得預訂海鮮。一去到，應該係老闆出左黎同我地打招呼帶我地繞去後門，之後問我地d海鮮想點食。大約等左10分鐘左右，第一碟「象拔蚌刺身」就登場我地一見到呢碟野個個都嘩嘩聲，因為佢真係好大碟。d刺身好鮮好甜好爽！一百個讚！之後d餸就陸陸續續上，開頭嗌呢個聖子皇果陣我地都以為同平時食果d無分別，頂多大少少。但原來真係好大........同埋佢極甜另外仲有扇貝，唔錯!呢個係斑球兩味，即係肉就用黎炒球，骨就用黎炸條魚真係新鮮魚而唔係冰鮮嫁！正呢個椒鹽大瀨尿蝦真係無得頂！！因為平時除左入西貢或者鯉魚門先會見到咁大隻咁巨型既瀨尿蝦真係超級惹味，同埋隻瀨尿蝦有好大條膏因為聽老闆講佢地都有大閘蟹賣，同枱有幾位朋友都想食，前後嗌左5隻，不過我自己就無。我朋友話隻蟹好多膏，仲要d膏係流極都仲有見d朋友食大閘蟹咁高興，我地都另外再點左個砵酒蟹砵酒蠔我就聽得多，蟹就真係未試過，見老闆話呢個煮法都好味就試試！食落去又出奇地夾同埋一開蓋果
一去到，應該係老闆出左黎同我地打招呼帶我地繞去後門，之後問我地d海鮮想點食。
大約等左10分鐘左右，第一碟「象拔蚌刺身」就登場
我地一見到呢碟野個個都嘩嘩聲，因為佢真係好大碟。d刺身好鮮好甜好爽！一百個讚！
之後d餸就陸陸續續上，開頭嗌呢個聖子皇果陣我地都以為同平時食果d無分別，頂多大少少。但原來真係好大........
同埋佢極甜
另外仲有扇貝，唔錯!
呢個係斑球兩味，即係肉就用黎炒球，骨就用黎炸條魚真係新鮮魚而唔係冰鮮嫁！正
呢個椒鹽大瀨尿蝦真係無得頂！！因為平時除左入西貢或者鯉魚門先會見到咁大隻咁巨型既瀨尿蝦真係超級惹味，同埋隻瀨尿蝦有好大條膏
因為聽老闆講佢地都有大閘蟹賣，同枱有幾位朋友都想食，前後嗌左5隻，不過我自己就無。我朋友話隻蟹好多膏，仲要d膏係流極都仲有
見d朋友食大閘蟹咁高興，我地都另外再點左個砵酒蟹砵酒蠔我就聽得多，蟹就真係未試過，見老闆話呢個煮法都好味就試試！
食落去又出奇地夾同埋一開蓋果下勁香
食到個個lam lam俐既時候，大家都唔記得左仲有個龍蝦伊麵d伊麵索哂d汁勁入味，d龍蝦好彈牙！
另外其實仲有食到馳名既乳鴿同雞粥，個粥底好綿，個乳鴿都炸得好靚！
題外話/補充資料：
整體黎講，我地全部人都食得好滿意，正宗平靚正。平時去第二度食海鮮邊有可能三百幾蚊一個人食咁多野？
極力推薦大家去食
(以上食評乃用戶個人意見 , 並不代表OpenRice之觀點。)
張貼
