湊湊火鍋‧茶憩 (MONTEREY Place)

營業中

休息中

經openrice提早訂咗位，一行3人火鍋慶祝生日，服務好，只係晚飯繁忙時間好似唔夠人，加湯等等要等耐少少，服務算好周到，有禮貌好願意幫忙，上菜速度算快。台式飲品好飲，自助區有滷肉飯，好香，不過refill慢，飯好耐都無，醬料都係一出就分晒，涼菜水果得兩款，唔多選擇，涼拌魚皮好爽脆。湯底、食物質素性價比高。點咗花膠湯和白貝湯鴛鴦鍋，好濃稠但味道適中，加咗湯水好啲，無咁易燶鍋底。荔枝蝦丸和豆苗好食，企鵝丸好得意。餐飯都食得大家開心。飯後送沙冰和啫喱好清甜。3個人叫多咗，＄2028，食唔晒，熟食打包，可以慢慢叫，兩個鐘有啲趕。可以推介既餐廳。