Odelice! (PopCorn 1)

營業中

休息中

今日生日老公book左一間Odelice食法國菜餐廳，餐廳裝修優雅，高尚座位又舒適又有卡位。今日生日當然要有白酒賀一賀，呢枝白葡萄酒容易入口，清香，甘醇和淡淡葡萄清香。Tropical Passion Ice Tea 酸酸甜甜幾開胃，又有百香果子唔會太甜。新鮮大蜆蝸蜆隻隻肥美又新鮮，用上蘋果白蘭地忌廉汁來煮大蜆令蜆肉更加美味。OMNI新膳肉丸，用左植物肉做肉丸，食落同豬肉冇咩分別，仿真度好高，肉質又唔鞋，用香辣地中海醬汁煮煮到肉丸好香，醬汁酸酸地幾正。封煎大西洋鱈魚，鱈魚煎到好香魚肉嫩滑，配菜有蘆筍和菠菜，醬汁有青豆蓉，蒜香沙律醬，蕃紅花忌廉汁來點上鱈魚又幾香口。特色啤酒炸雞配雅枝竹莎莎醬，炸雞炸到好香肉又唔鞋，配上酸酸辣辣又幾正。火焰橙酒可麗餅，侍應會系上面淋上著緊火的橙酒，令上面有少少火，火燒完就可以食，可麗餅皮好煙韌又有橙酒香，又有新鮮橙肉好好味。