影片
更多
2020-10-20
2397 瀏覽
今日一家三口預祝老豆生日，阿媽話想試呢間潮州野，因為電視介紹過。我地三個人叫左三餸一湯。杏仁豬肺湯好香濃，一窩竟然有九小碗，每碗有兩舊豬肺，我數過共有十八舊豬肺，飲完食埋渣都飽飽地😅芝麻煎餅入面包住韮菜，細細片，唔太油膩，幾好食，呢個小食有驚喜喎。兩面黃煎麵煎得好靚，幾脆口，兩老非常鍾意食，但我本人麻麻地又酸又甜，所以淨係食淨麵，無撈糖，醋😅蝦蟹棗都幾足料。埋單共$483,本人覺得算係抵食。侍應服務態度幾好，有禮貌。我睇過佢地午市既餐牌，準備過幾日去食，到時睇下抵唔抵食，好唔好食。
我地三個人叫左三餸一湯。
杏仁豬肺湯好香濃，一窩竟然有九小碗，每碗有兩舊豬肺，我數過共有十八舊豬肺，飲完食埋渣都飽飽地😅
芝麻煎餅入面包住韮菜，細細片，唔太油膩，幾好食，呢個小食有驚喜喎。
兩面黃煎麵煎得好靚，幾脆口，兩老非常鍾意食，但我本人麻麻地又酸又甜，所以淨係食淨麵，無撈糖，醋😅
蝦蟹棗都幾足料。
埋單共$483,本人覺得算係抵食。
侍應服務態度幾好，有禮貌。
我睇過佢地午市既餐牌，準備過幾日去食，到時睇下抵唔抵食，好唔好食。
張貼