影片
更多
2025-03-28
392 瀏覽
校長燒肉價錢不嬲都比較親民，二百幾蚊有齊燒烤/刺身/熟食/炸物/火鍋任食任飲，嘢食飲品種類都多樣化，所以間唔時都會喺想食平平地嘅大餐嘅時候黎拆返餐。入到餐廳就感受到熱鬧嘅氣氛，適合同朋友傾計聚會，而且而家餐廳裝修咗，間開咗另外一部分坐落更加舒適。我地揀左貴d既餐包生啤任飲，$298/位，而且d甜品都高級d。坐低就有一份手切牛先上，係呢個餐先食到，油脂分佈好平均睇落好靚，食落一d都唔韌而且有牛味。呢度嘅燒烤種類喺出面自己夾，好豐富，包括雞翼/豬扒/牛扒/金沙骨/多春魚/叉燒/雞腎等幾十款；蔬菜類亦有脆肉瓜/雞髀菇/番薯仔/金菇/冬菇等等。仲有新鮮刺身，包括超級肥美嘅牡丹蝦，口感滑嫩，搭配醬油同wasabi，真係味道一流。另外仲有幾款壽司不停轉款供應。除咗燒烤，仲有好多熟食同點心：- 各式炸物，薯條咖哩角炸餃子等等，作為小食真係唔錯。另外呢個餐可以畫單升級炸物，有芝麻雞翼同芝士年糕，即叫即整超香脆，雞翼有汁，芝士年糕可拉芝。- 仲有啲熟食蔬菜肉類，自己燒唔切嘅時候可以出面夾下野食住先，或者食下炒菜冇咁油膩。- 當日仲有燉湯，係海底椰雪梨湯。飲品方面，店內有好多選擇，包括各式啤酒汽水紙包茶類
我地揀左貴d既餐包生啤任飲，$298/位，而且d甜品都高級d。
坐低就有一份手切牛先上，係呢個餐先食到，油脂分佈好平均睇落好靚，食落一d都唔韌而且有牛味。
呢度嘅燒烤種類喺出面自己夾，好豐富，包括雞翼/豬扒/牛扒/金沙骨/多春魚/叉燒/雞腎等幾十款；蔬菜類亦有脆肉瓜/雞髀菇/番薯仔/金菇/冬菇等等。
仲有新鮮刺身，包括超級肥美嘅牡丹蝦，口感滑嫩，搭配醬油同wasabi，真係味道一流。另外仲有幾款壽司不停轉款供應。
除咗燒烤，仲有好多熟食同點心：
- 各式炸物，薯條咖哩角炸餃子等等，作為小食真係唔錯。另外呢個餐可以畫單升級炸物，有芝麻雞翼同芝士年糕，即叫即整超香脆，雞翼有汁，芝士年糕可拉芝。
- 仲有啲熟食蔬菜肉類，自己燒唔切嘅時候可以出面夾下野食住先，或者食下炒菜冇咁油膩。
- 當日仲有燉湯，係海底椰雪梨湯。
飲品方面，店內有好多選擇，包括各式啤酒汽水紙包茶類，而且我哋呢個餐有6款生啤任飲，淨係飲啤酒都抵返曬。
最後仲有甜品，例如豆腐花，啫哩糖，種類多都食唔曬。連Movenpick & Dyer's雪糕/雀巢甜筒等都有得任食，非常大方。
張貼