綠茶餐廳 (希慎廣場)

營業中

休息中

餐廳主打新浙菜，每間分店設有唔同裝修，務求讓客人沉浸於一個充滿江南美學嘅用餐環境中享受江南美食。銅鑼灣係香港首店佔地近2,000呎，以竹元素為主調，感覺舒適。野菜腐皮卷係春新鮮菜式，嚴選早春時令蔬菜，用腐皮包住，層次感豐富，入口鮮嫩清甜，作為前菜就最適合不過。蕭山蘿蔔乾炒飯份量唔算好多，味道清淡，炒至粒粒分明，老少咸宜。私心推介麵包誘惑，即叫即整，賣相吸引，麵包切好為一口方便食用，淡淡牛油香氣，夾埋冰凍雪糕，正。土豆芝士塔超有驚喜，熱辣辣，餡料足夠，一個人可以食到一打。江南綠茶餅以綠茶葉做成麵餅，中間夾住軟糯嘅芋蓉，上面有芝麻可增添口感，微甜，外脆內軟，帶層次。西湖雷峰塔夠打卡able，手工精細，唔甜，奶凍動L，加埋綠汁感覺清新。