Mango Mania

營業中

休息中

自從食過Mango Mania，成日都心思思想再食。今日咁岩去開北角買野，下午茶時間一於歎返個芒果甜品~Mango Mania標榜採用清甜無纖維渣滓既人氣泰國水仙芒，配埋其他新鮮食材，甜點特別果香濃郁~招牌甜品包括芒果蜜糖多士、芒果椰汁西米露、芒果糯米飯芭菲等。今次揀左芒果冰磚同超級芒果狂熱，大滿足!芒果冰磚 Mango Bingsu with sticky rice滿佈大大磚芒果肉，金黃色賣相吸引，面頭有濃香芒果雪糕，甜度剛好，芒果肉食落香甜多汁完全唔會酸!內有花奶刨冰，口感綿滑細膩，真正做到入口即溶無冰渣，再淋上煉奶同芒果汁就更滋味。仲有一小球糯米飯，煙韌又軟熟。超級芒果狂熱Super Mango Mania一試過可以試哂多款芒果甜品，正!切花芒果香氣足又甜、芒果布甸細膩富奶香、芒果雪糕香甜順滑，迷你芒果糯米飯夠軟糯。