影片
更多
2024-02-18
107 瀏覽
餐廳位置唔容易搵，要喺大街轉入去，一齊等𨋢上去嘅人都唔少。18樓一打開𨋢門就到達餐廳。我同朋友分別揀咗法式香煎紅鯛魚配秘製白醬同埋法國紅酒燴牛面肉，仲點咗一個火魔醉蜆。Set dinner可以選擇配田園沙律/是日餐湯，是日餐湯係松露蘑菇忌廉湯，入邊嘅蘑菇好鮮甜，餐包係兩舊小法包，法包嚟到仲係熱辣辣，而且脆卜卜，我習慣係用餐湯點餐包嚟食，法包餐湯好夾😋飲品方面，我哋叫咗一杯凍檸茶，同埋加$38轉配指定白酒，白酒仲可以無限追加添！法國紅酒燴牛面肉 $238牛面肉相當腍，唔會好難咬開。牛面肉下低有薯蓉，薯蓉唔會整到全部都係爛晒，部份薯蓉仍然保留薯仔嘅口感。法式香煎紅鯛魚配秘製白醬 $218我好期待呢一個紅鯛魚😋 紅鯛魚兩面煎得香脆，魚肉中間好滑。秘製白醬好香香草味，而且撈埋個薯蓉食，我覺得好夾，令到個薯蓉更加香。火魔醉蜆 $88本來純粹想食蜆，點知上菜嘅時候個畫面係咁精彩😂 如圖片所見，店員會喺你面前將啲酒倒落個蜆度再點火，個火燒盡咗之後就可以食啦！啲蜆肉都幾肥美，唔係剩係得個靚字，內涵都好足。蘋果法式多士 $78甜品色香味俱全，法式多士嘅醬應該係用蘋果，雜莓，同埋梨所烹調，仲食到一啲硬嘅糖
18樓一打開𨋢門就到達餐廳。
我同朋友分別揀咗法式香煎紅鯛魚配秘製白醬同埋法國紅酒燴牛面肉，仲點咗一個火魔醉蜆。
Set dinner可以選擇配田園沙律/是日餐湯，是日餐湯係松露蘑菇忌廉湯，入邊嘅蘑菇好鮮甜，餐包係兩舊小法包，法包嚟到仲係熱辣辣，而且脆卜卜，我習慣係用餐湯點餐包嚟食，法包餐湯好夾😋
飲品方面，我哋叫咗一杯凍檸茶，同埋加$38轉配指定白酒，白酒仲可以無限追加添！
法國紅酒燴牛面肉 $238
牛面肉相當腍，唔會好難咬開。牛面肉下低有薯蓉，薯蓉唔會整到全部都係爛晒，部份薯蓉仍然保留薯仔嘅口感。
法式香煎紅鯛魚配秘製白醬 $218
我好期待呢一個紅鯛魚😋 紅鯛魚兩面煎得香脆，魚肉中間好滑。秘製白醬好香香草味，而且撈埋個薯蓉食，我覺得好夾，令到個薯蓉更加香。
火魔醉蜆 $88
本來純粹想食蜆，點知上菜嘅時候個畫面係咁精彩😂 如圖片所見，店員會喺你面前將啲酒倒落個蜆度再點火，個火燒盡咗之後就可以食啦！啲蜆肉都幾肥美，唔係剩係得個靚字，內涵都好足。
蘋果法式多士 $78
甜品色香味俱全，法式多士嘅醬應該係用蘋果，雜莓，同埋梨所烹調，仲食到一啲硬嘅糖粒，所以口感都好豐富。
服務方面，店員雖然好忙，但係都好有禮貌，好nice，下次會再黎。☺️
張貼
