CoCo Espresso (已結業)

今晚想食個輕食，就同朋友嚟咗呢間Cafe🥰叫咗一個all day Breakfast 同一個長通粉，因為最重要最重要就係佢哋嘅窩夫🥳All day breakfast 每樣配料都係我鍾意食嘅，最特別係有新鮮無花果，芝士香腸亦都非常之好味，因為入口每一啖都係爆芝士醬出嚟，超香口，另外不得不讚嘅就係沙律菜，好特別，同出邊嘅沙律菜唔同就係佢哋入口之後係好香，我唔明白個香味喺邊度出嚟，佢唔係草青嗰種味，係真係好香嘅味道，我未曾試過食一個沙律菜會係成盤食晒，真係好特別，蘑菇亦都好Juice煙豬面脥卡邦尼短管通粉有一粒粒嘅豬肉，入口都好軟琳琳，通粉煮得啱啱好，卡邦尼嘅醬汁亦都唔會好膩口，感覺都係輕食嘅一種，因為味道唔會話太濃郁合桃朱古力雪糕牛角酥窩夫最值得推介嘅就係呢一款甜品，平時嘅我好少食甜品，因為唔鍾意太甜，但係呢個牛角酥窩夫我真係成個食晒，因為真係完全唔甜之餘，每一啖口感有朱古力醬加碎粒嘅合桃，有咬口，再加上佢哋嘅窩夫係用牛角酥去整成，有少少鹹鹹地，非常之夾㗎，個人覺得好好味，可以話係人生第一次食窩夫🙈而佢哋嘅咖啡當然係好正啦，因為係用咖啡豆去製成，每一杯飲落去都好香咖啡味